स्वारगेट पोलीस ठाण्यात गुन्हा दाखल
marathinews24.com
पुणे – प्रवासादरम्यान चोरट्यांनी जेष्ठाच्या पिशवीतून तब्बल ३ लाख ४१ हजारांचे सोन्याचे दागिने चोरून नेले. ही घटना ५ जानेवारीला संध्याकाळी सातच्या सुमारास स्वारगेट मेट्रोस्टेशन ते हडपसर रिक्षास्टॉप दरम्यान घडली आहे. याप्रकरणी सातार्यात राहणार्या ६६ वर्षीय जेष्ठाने स्वारगेट पोलीस ठाण्यात धाव घेत तक्रार दाखल केली आहे. त्यानुसार अज्ञात चोरट्यांविरूद्ध गुन्हा दाखल करण्यात आला आहे.
पुण्यातील दीपबंगला चौकात चोरट्यंचा धुमाकूळ – सविस्तर बातमी
पोलिसांनी दिलेल्या माहितीनुसार, तक्रारदार जेष्ठ नागरिक हे सातारा जिल्ह्यातील असून, ५ जानेवारीला ते कामानिमित्त स्वारगेट परिसरात आले होते. संध्याकाळी सातच्या सुमारास ते मेट्रो स्टेशनसह हडपसर परिसरातील रिक्षास्टॉप परिसरात गेले होते. त्यादरम्यान चोरट्यांनी त्यांच्याकडील पिशवीतील ३ लाख ४१ हजारांचे दागिने चोरून नेले. याप्रकरणी पोलीस उपनिरीक्षक योगेश कोतकर तपास करीत आहेत.
