दुकानांचा दरवाजा उचकटून रोकडचोरी
marathinews24.com
पुणे – दुकानांचे कुलूप तोडून चोरट्यांनी रोकड, तसेच मोबाइल संच लांबविल्याची घटना माॅडेल काॅलनीतील दीपबंगला चौकात घडली. याच परिसरातील एका खासगी रुग्णालयाचे कुलूप तोडून चोरट्यांनी रोकड लांबविल्याचा प्रकार उघडकीस आला. याप्रकरणी चोरट्यांविरुद्ध चतु:शृंगी पोलिसांनी गुन्हा दाखल केला. याबाबत कपडे विक्रेत्याने फिर्याद दिली आहे. त्यांनी दिलेल्या फिर्यादीनुसार, चोरट्यांविरुद्ध गुन्हा दाखल करण्यात आला आहे.
भाजीविक्रेत्याकडे मागितली लाच; पोलीस हवालदाराविरुद्ध गुन्हा – सविस्तर बातमी
पोलिसांनी दिलेल्या माहितीनुसार, माॅडेल काॅलनीतील दीपबंगला चौकात तक्रादाराचे कपडे विक्रीचे दुकान आहे. तेथून काही अंतरावर वेताळबाबा चौक परिसरात उपाहारगृह आहे. चोरट्यांनी ६ डिसेंबर रोजी मध्यरात्री कपडे विक्री दुकानाचा दरवाजा उचकटला. गल्ल्यातील १० हजारांची रोकड चोरट्यांनी चोरली. शेजारी असलेल्या एका खासगी रुग्णालयाचा दरवाजा उचकटून चोरट्यांनी मोबाइल चोरून नेला. वेताळबाबा चौक परिसरातील एका उपाहारगृहाचे कुलूप तोडून चोरट्यांनी गल्ल्यातील रोकड अणि मोबाइल असा १५ हजार ३०० रुपयांचा मुद्देमाल लांबविला. घटनेची माहिती मिळताच वरिष्ठ पोलीस निरीक्षक उत्तम भजनावळे यांनी घटनास्थळी भेट दिली. पोलिसांनी दीपबंगला चौक परिसरातील सीसीटीव्ही चित्रीकरण तपासले असून, हवालदार शिर्के तपास करत आहेत.
