३ महिलांची सुटका, एका आरोपीला अटक
marathinews24.com
पुणे – उच्चभ्रू कोरेगाव पार्कमध्ये सुरू असलेल्या वैश्या व्यवसायाचा गुन्हे शाखेच्या अनैतिक मानवी वाहतुक व व्यापार प्रतिबंध कक्षाने पर्दाफाश केला. कारवाईत एका विदेशी महिलेसह तीन पीडित महिलांची सुटका करण्यात आली. याप्रकरणी एका आरोपीला अटक करण्यात आली आहे. आदित्य अनिलकुमार सिंह (वय ३१ रा. जर्मन बेकरी जवळ, कोरेगाव पार्क) आणि राहुल मदन ऊर्फ राहुल सन्याशी यांच्याविरूद्ध कोरेगाव पार्क पोलीस ठाण्यात गुन्हा दाखल केला आहे.
पुणे पोलिसांनी १७१ मोबाइल दिले मिळवून – सविस्तर बातमी
कोरेगाव पार्कमधील द हेवन हॉटेलमध्ये वेश्या व्यवसाय करून घेतला जात असल्याची माहिती पोलीस हवालदार तुषार भिवरकर यांना मिळाली. एजंट राहुल मदन ऊर्फ राहुल हा विदेशी आणि परराज्यतील मुलींकडून व्यवसाय करुन घेत होता. त्यानुसार पोलीस निरीक्षक आशालता खापरे यांच्या मार्गदर्शनाखाली पथकाने हॉटेलमध्ये छापा टाकून कारवाई केली. ही कामगिरी पोलीस आयुक्त अमितेश कुमार, अपर आयुक्त पंकज देशमुख, उपायुक्त निखील पिंगळे, एसीपी शंकर खटके, पोलीस निरीक्षक आशालता खापरे, उपनिरीक्षक विशांत चव्हाण, दत्ताराम जाधव, बबनराव केदार, तुषार भिवरकर, ईश्वर आंधळे, इम्रान नदाफ, अमेय रसाळ, वैशाली खेडेकर, रेश्मा कंक, वैशाली इंगळे, भुजबळ यांनी केली.
