गुन्हे शाखा युनिट दोनच्या पथकाची कारवाई
marathinews24.com
पुणे – Pune Crime Branch : शहरातील मार्केटयार्ड पोलीस ठाण्यात दाखल असलेल्या गंभीर गुन्ह्यात मागील एक वर्षापासून फरार असलेल्या आरोपीला गुन्हे शाखा युनिट दोनच्या पथकाने कात्रज परिसरातून अटक केली. आकाश किशोर नवगीर (वय २७, रा. कात्रज-कोंढवा रोड, टिळेकरनगर, कोंढवा) असे अटक केलेल्या आरोपीचे नाव आहे. गुन्ह्यातील आरोपी आकाश नवगीर हा मागील एक वर्षापासून पोलिसांना हवा होता. त्याचा शोध घेण्यात येत होता.
दुचाकी पार्किंगचा वाद कोयते उगारण्यावर – सविस्तर बातमी
युनीट दोनचे पोलीस अंमलदार आकाश यादव व कुंदन शिंदे यांना पसार आरोपीची माहिती मिळाली. त्यानुसार वरिष्ठ पोलीस निरीक्षक राहुल खिलारे यांना माहिती दिली. त्यानुसार पथकाने खासगी वाहनाने कात्रज परिसरात जाऊन आरोपी नवगीर याला ताब्यात घेत अटक केली आहे. Pune Crime Branch ही कामगिरी उपायुक्त गौहर हसन, एसीपी शैलेश संखे, वरिष्ठ पोलीस निरीक्षक राहुल खिलारे, पोलीस निरीक्षक अविनाश माने, एपीआय शंकर नेवसे, महेश मंडलिक, ओंकार कुंभार, शंकर कुंभार, योगेश मांढरे, उज्वल मोकाशी, विजय पवार, संदिप शिर्के, संतोष टकले, सर्जेराव सरगर, शिवानंद कायगुडे, विद्या शिंदे यांनी केली.
