जेष्ठाला ६४ लाखांचा गंडा
marathinews24.com
पुणे – मनी लॉड्रींगची केस असल्याची बतावणी करीत सायबर चोरट्याने एका जेष्ठाला तब्बल ६३ लाख ४० हजारांचा ऑनलाईन गंडा घातला आहे. ही घटना २६ नोव्हेंबर ते १ डिसेंबर २०२५ कालावधीत ताडीवाला रस्ता परिसरात घडली आहे. याप्रकरणी मोबाइल धारकाविरूद्ध सायबर पोलीस ठाण्यात गुन्हा दाखल करण्यात आला आहे.
अल्पवयीनाकडून पिस्तूलासह काडतुस जप्त – सविस्तर बातमी
पोलिसांनी दिलेल्या माहितीनुसार, तक्रारदार जेष्ठ नागरिक ताडीवाला रस्ता परिसरात राहायला असून, २६ नोव्हेंबरला सायबर चोरट्यांनी त्यांना फोन केला. तुमच्याविरूद्ध मनी लॉड्रींगची केस असून, संबंधित केसमध्ये चौकशी करायची असल्याची बतावणी केली. त्यानंतर सायबर चोरट्याने तक्रारदाराचा विश्वास संपादित केल्यानंतर त्यांना पैसे पाठविण्यास भाग पाडले. अवघ्या चार दिवसांत तब्बल ६३ लाख ४० हजारांवर रक्कम वर्ग करून घेतली. फसवणूक झाल्याचे लक्षात आल्यानंतर तक्रारदाराने सायबर पोलीस ठाण्यात धाव घेतली. याप्रकरणी वरिष्ठ पोलीस निरीक्षक स्वप्नाली शिंदे तपास करीत आहेत.
