गोरठेकर परिवाराच्या मार्गदर्शनाने पक्षप्रवेश
marathinews24.com
नांदेड – उमरी येथे 25 ऑक्टोबर 2025 रोजी राष्ट्रवादी काँग्रेस पक्ष (अजित पवार गट) यांच्या वतीने भव्य पक्षप्रवेश सोहळा संपन्न झाला. या कार्यक्रमात सतिश रेड्डी बोमिनवाड यांनी आपल्या समर्थकांसह राष्ट्रवादी काँग्रेस पक्षात प्रवेश केला. हा विशेष सोहळा गोरठेकर कुटुंबासाठी आयोजित केला असून, नायगाव मतदार संघात गोरठेकर परिवाराचा मोठा प्रभाव आहे. या प्रवेश सोहळ्यात गोरठेकर परिवारासह उमरी आणि धर्माबाद तालुक्यातील अनेक पदाधिकारी, कार्यकर्ते यांनी पक्षप्रवेश केला.
पहिल्या खासदार क्रीडा महोत्सवाच्या ‘अजिंक्य’ मॅस्कॉटचे अनावरण – सविस्तर बातमी
कार्यक्रमास राष्ट्रवादी काँग्रेसचे राष्ट्रीय अध्यक्ष आणि महाराष्ट्राचे उपमुख्यमंत्री अजित दादा पवार प्रमुख उपस्थित होते. त्यांच्या सोबत माजी मंत्री नवाब मलिक, आमदार प्रताप पाटील चिखलीकर, आमदार मोहन हंबर्डे तसेच नांदेड शहरातील विविध वरिष्ठ पदाधिकारी यांनी उपस्थिती दर्शवली.
सतिश रेड्डी बोमिनवाड आता रत्नाळी (धर्माबाद) येथील वॉर्ड क्रमांक १० मधून आगामी नगरपालिका निवडणुकीत नगरसेवक पदासाठी उमेदवारी करणार आहेत. त्यांच्या पक्षप्रवेशामुळे शहराच्या राजकीय वातावरणात चांगलीच चर्चा सुरू झाली असून, तरुण मतदारांचा त्यांना मोठा पाठिंबा मिळत असल्याचे दिसून येत आहे.
