अज्ञात चोरट्यांविरूद्ध गुन्हा दाखल
marathinews24.com
पुणे – शहरातील कोथरूड परिसरातील उजवी भुसारी कॉलनी जवळून चोरट्यांनी जेष्ठाच्या मालकीची ४ लाख रूपयांची मोटार चोरून नेली आहे. ही घटना २८ नोव्हेंबरला रात्री आठच्या सुमारास घडली आहे. याप्रकरणी ६२ वर्षीय जेष्ठाने कोथरूड पोलीस ठाण्यात फिर्याद दाखल केली आहे. त्यानुसार अज्ञात चोरट्यांविरूद्ध गुन्हा दाखल करण्यात आला आहे.
शेअरमध्ये जादा परताव्याच्या आमिषाने फसवणूक – सविस्तर बातमी
पोलिसांनी दिलेल्या माहितीनुसार, तक्रारदार जेष्ठ नागरिक कोथरूडमध्ये राहायला असून, २८ नोव्हेंबरला त्यांनी मालकीची मोटार उजवी भुसारी कॉलनीजवळ शृंंगेरी मठाच्या भिंतीजवळ उभी केली होती. त्यावेळी चोरट्यांनी उभ्या असलेल्या त्यांच्या गाडीची चोरी केली आहे. गाडी दिसून न आल्यामुळे तक्रारदाराने कोथरूड पोलीस ठाण्यात धाव घेत फिर्याद दाखल केली आहे. याप्रकरणी आजूबाजूच्या सीसीटीव्ही फुटेजनुसार आरोपींचा माग काढला जात असल्याची माहिती पोलिसांनी दिली आहे. पोलीस अमलदार सुळ तपास करीत आहेत.
फ्लॅटमधून पावणेतीन लाखांचे गंठण चोरीला
पुणे – फ्लॅटचे कुलूप तोडून चोरट्यांनी घरातील कपाटातून २ लाख ७० हजारांचे सोन्याचे गंठण चोरून नेले. ही घटना २९ नोव्हेंबरला दुपारी दोन ते संध्याकाळी पाच वाजण्याच्या सुमारास खराडीतील यशांकुर अपार्टमेंट, चौधरी वस्तीवर घडली आहे. याप्रकरणी महिलेने खराडी पोलीस ठाण्यात फिर्याद दाखल केली आहे. त्यानुसार अज्ञात चोरट्यांविरूद्ध गुन्हा दाखल करण्यात आला आहे.
पोलिसांनी दिलेल्या माहितीनुसार, तक्रारदार महिला खराडीतील चौधरी वस्ती परिसरातील अपाईटमेंटमध्ये राहायला आहे. २९ नोव्हेंबरला सकाळी अकराच्या सुमारास तक्रारदार खरेदी करण्यासाठी बाहेर गेली होती. त्यानंतर चोरट्यांनी त्यांच्या बंद फ्लॅटचे कुलूप तोडून आतमध्ये प्रवेश केला. कपाटातील २ लाख ७० हजारांचे सोन्याचे गंठण चोरून नेले. बाहेरहून आल्यानंतर महिलेला घरात चोरी झाल्याचे दिसून आले. त्यानंतर त्यांनी खराडी पोलीस ठाण्यात धाव घेत तक्रार दाखल केली. याप्रकणी सहायक पोलीस निरीक्षक साहेबा पोटे तपास करीत आहेत.
