अल्पवयीन आरोपींची बाल निरीक्षण गृहात रवानगी
marathinews24.com
पुणे – शहरातील कोंढवा परिसरात असलेल्या १० वर्षाच्या मुलासोबत तीन अल्पवयीन मुलांनी त्याच्या पार्श्व भागावर काठीने बेदम मारहाण करून गंभीर जखमी केले. त्याला नेमकी मारहाण का करण्यात आली, हे मात्र, समजू शकलेले नाही. याप्रकरणी कोंढवा पोलिस ठाण्यात पॉस्को कलम ४ व ६ तसेच बेदम मारहाण केल्याप्रकरणी गुन्हा दाखल केला आहे. याबाबत पिडीत मुलाच्या आईने तक्रार दिली आहे. पोलिसांनी तिघांना ताब्यात घेत त्यांना बालनिरीक्षक गृहात दाखल केले आहे.
पुण्यात प्रशिक्षणार्थी पोलिस उपनिरीक्षकाची आत्महत्या – सविस्तर बातमी
पोलिसांच्या माहितीनुसार, सर्व मुल एकाच भागात राहायला असून, शाळेत शिक्षण घेतात. दरम्यान, १० वर्षांचा मुलगा तिघांसोबत थांबलेला होता. तेव्हा तीन मुलांनी त्याला निर्जनस्थळी नेले. त्याठिकाणी त्याचे कपडे काढून त्याच्या पार्श्वभागावर काठीने बेदम मारहाण केल्यामुळे त्याला रक्तस्त्राव झाला. नंतर तिघेही त्याला सोडून निघून गेले. याप्रकरणी कुटूंबियांनी पोलिसांकडे तक्रार दाखल केली. त्यानंतर पोलिसांनी तत्काळ गुन्हा नोंद केला आहे. अधिक तपास कोंढवा पोलिस करत आहेत.
