चिंचवडगावातील शांतिबन सोसायटीच्या प्रवेशद्वारावर घडली घटना
marathinews24.com
पिंपरी – पूर्वीच्या हाऊसकिपींग कामगाराने सुरक्षारक्षकाच्या पोटात चाकूने वार केले. तसेच सिमेंटच्या गट्टूने सुरक्षारक्षकाच्या डोक्यात मारून जखमी केले. ही घटना शुक्रवारी चिंचवडगावातील शांतिबन सोसायटीच्या प्रवेशद्वारावर घडली. याप्रकरणी सुदाम नारायण कामिटे (वय ५६) यांनी चिंचवड पोलीस ठाण्यात फिर्याद दिली आहे.
माऊलींच्या पालखी सोहळ्यात बिल्डरच्या गळ्यातील ९ लाखांची चैन चोरीला – सविस्तर बातमी
त्यानुसार राम देवराम लोंढे (वय ४०, रा. थेरगाव) याच्यावर गुन्हा दाखल करण्यात आला आहे. आरोपी हा शांतिबन सोसायटीत पूर्वी हाऊसकिपींगचे काम करत होता. फिर्यादी हे सोसायटीच्या सुरक्षेचे काम करत असतान आरोपी तेथे आले. त्याने सोसायटीचे अध्यक्ष व सचिवाला मला भेटायचे असून, आतमध्ये सोडण्यास आरोपीने सांगितले. फिर्यादी यांनी त्याला सोसायटीमध्यो सोडण्यास नकार दिला. त्यावरून आरोपीने शिवीगाळ करत फिर्यादी यांच्या पोटावर चाकूने वार केले. तसेच सिमेंटच्या गट्टूने फिर्यादीच्या डोक्यात मारून गंभीर जखमी केले. चिंचवड पोलीस तपास करीत आहेत.
