२ लाख ७० हजारांची वाहने जप्त, वाघोली पोलिसांची कामगिरी
marathinews24.com
पुणे – ट्रॅक्टरसह इतर वाहनांची चोरी करणार्या सराईताला वाघोली पोलिसांनी अटक केली आहे. त्याच्याकडून टॅक्टरसह दुचाकी असा २ लाख ७० हजारांचा ऐवज जप्त केला आहे. सराईताला पकडण्यासाठी वाघोली पोलिसांनी तब्बल १८० ठिकाणचे सीसीटीव्ही फुटेज तपासून त्याचा माग काढला. अंबादास विक्रम मिसाळ (वय ४३ , रा.पिंपळनेर, ता.शिरूर, जि.बीड) असे अटक केलेल्याचे नाव आहे.
दागिने पाॅलीशच्या बतावणीने ज्येष्ठ महिलेची फसवणूक – सविस्तर बातमी
वाघोलीतील पाटील वस्ती परिसरातून ६ डिसेंबरला मध्यरात्रीच्या सुमारास चोरट्यांनी ट्रॅक्टर चोरून नेला होता. पोलीस अंमलदार अशोक शेळके, गहिनीनाथ बोयणे, साईनाथ रोकडे यांनी वाघोली ते आष्टी बीडपर्यंत तब्बल १८० ठिकाणचे सीसीटिव्ही कॅमेरे तपासून आरोपीची शोध घेतला. सराईत अंबादास मिसाळने ट्रॅक्टर चोरल्याची माहिती मिळाली. पथकाने त्याला ताब्यात घेउन अटक केली. ही कामगिरी पोलीस उपायुक्त सोमय मुंडे, एसीपी नूतन पवार वरिष्ठ पोलीस निरीक्षक युवराज हांडे, उपनिरीक्षक मनोज बागल, बाबासाहेब मोराळे, ठोंबरे, प्रदिप मोटे, मंगेश जाधव, सुनिल कुसाळकर, समीर भोरडे, पांडुरंग माने, विशाल गायकवाड, दिपक कोकरे, साईनाथ रोकडे, प्रितम वाघ, शिवाजी चव्हाण यांनी केली.
