कोंढवा पोलीस ठाण्यात गुन्हा दाखल
marathinews24.com
पुणे – घरगुती गॅस पुरवठा बंद करण्याची धमकी देउन, सायबर चोरट्यांनी एका महिलेला एपीके फाईल पाठवून डाउनलोड करण्यास भाग पाडली. त्यानंतर बँकखात्याचा ऑनलाईनरित्या अॅक्सेस घेउन २ लाख ८८ हजारांची फसवणूक केली आहे. ही घटना १० नोव्हेंबरला दुपारी एकच्या सुमारास कोंढव्यात घडली आहे. याप्रकरणी तरूणीने कोंढवा पोलीस ठाण्यात फिर्याद दाखल केली आहे. त्यानुसार मोबाइलधारकाविरूद्ध गुन्हा दाखल केला आहे.
जिथं माजवली दहशत, तिथेच पोलिसांनी काढली टोळीची धिंड – सविस्तर बातमी
पोलिसांनी दिलेल्या माहितीनुसार, तक्रारदार तरूणीसह तिची आई कोंढव्यात राहायला असून, १० नोव्हेंबरला दुपारी एकच्या सुमारास सायबर चोरट्यांनी त्यांना फोन केला. गॅस कंपनीतून बोलत असल्याची बतावणी करीत तुमचे गॅसचे बील अपडेट झाले नसल्याचे सांगितले. रात्रीच्या सुमारास गॅस कनेक्शन तोडले जाणार असून, त्यासंदर्भात संबंधिताने महिलेच्या मोबाइलवर एपीके फाईल पाठविली. त्यानंतर संबंधित फाईल डाउनलोड करण्यास भाग पाडून, नेट बँकिंगसह डेबीट कार्डचा अॅक्सेस घेतला. त्यानंतर सायबर चोरट्यांनी ऑनलाईनरित्या २ लाख ८८ हजार रूपये स्वतःच्या बँकखात्यात वर्ग करून घेत फसवणूक केली आहे. याप्रकरणी पोलीस निरीक्षक नवनाथ जगताप तपास करीत आहेत.
