अग्निशमन दलाच्या जवानांना फांद्या तोडून रस्ता केला मोकळा
marathinews24.com
पुणे – शहरात झालेल्या पावसामुळे सहकारनगर आणि कोंढवा भागात झाडे पडण्याच्या घटना घडल्या. सुदैवाने या घटनेत कोणी जखमी झाले नाही. दोन दिवसांपासून संततधार पाऊस सुरू आहे. बुधवारी (२० ऑगस्ट) सकाळनंतर पाऊस ओसरला. कोंढवा आणि सहकारनगर परिसरात बुधवारी दाेन झाडे काेसळली. या घटनेची माहिती मिळताच अग्निशमन दलाच्या जवानांनी घटनास्थळी धाव घेतली. तातडीने मदतकार्य सुरू केले.
स्त्री-पुरुषांमधील मैत्रीकडे पाहण्याचा अभाव- प्रा. मिलिंद जोशी – सविस्तर बातमी
जवानांनी रस्त्यात पडलेल्या झाडांच्या फांद्या हटवून रस्ता वाहतुकीस खुला करुन दिला, अशी माहिती अग्निशमन दलाच्या मुख्य नियंत्रण कक्षाकडून देण्यात आली. दरम्यान, खडकवासला धरण साखळीत झालेल्या पावसामुळे विसर्ग वाढविण्यात आला आहे. नदीपात्रातील रस्ता पाण्याखाली गेला आहे. यापार्श्वभूमीवर अग्निशमन दलाचे जवान नदीपात्र परिसरात तैनात करण्यात आले आहेत.
