वाहनचालकांनी वाहतूक नियमांचे पालन करुन सहकार्य करावे
marathinews24.com
बारामती – महाराष्ट्र राज्य औद्योगिक विकास महामंडळ आवारातील वाहने नियोजित जागेवरच वाहने पार्कींग करावी, वाहनचालकांनी वाहतूक नियमांचे पालन करुन सहकार्य करावे, नियमांंचे उल्लंघन करणाऱ्या वाहनचालकांवर पोलीस आणि प्रादेशिक परिवहन विभागाने कारवाई करावी, असे निर्देश अपर पोलीस अधीक्षक गणेश बिरादार यांनी दिले.
नव्या काळातील बदल स्विकारणारी पिढी एमकेसीएलने घडवावी-मुख्यमंत्री देवेंद्र फडणवीस – सविस्तर बातमी
बारामती विमानतळ ते पेन्सिल चौक एमआयडीसी आवारातील रस्त्यावरील वाहनांच्या पार्किंग समस्या आणि उपयोजनांबाबत उप प्रादेशिक परिवहन कार्यालय येथे मंगळवारी (दि.१९) आयोजित आढावा बैठकीत ते बोलत होते. यावेळी उपविभागीय अधिकारी वैभव नावडकर दुरदृष्यप्रणालीद्वारे) प्रादेशिक अधिकारी हनुमंत पाटील, उपविभागीय पोलीस अधिकारी डॉ. सुदर्शन राठोड, उपप्रादेशिक परिवहन अधिकारी सुरेंद्र निकम उपस्थित होते.
बिरादार म्हणाले, वाहतुक सुरक्षा विषयक नियमाबाबत माहिती देण्यासह वाहन धारकांची बैठक आयोजन करावे. वाहने रस्त्यांवर उभे करु नये याबाबत चालकास सुचना एमआयडीसी आणि कंपनीने सूचना घ्याव्यात. वाहतूक सुरक्षितेच्या नियमाचे पालन करावे असे सर्व कंपनीतील कर्मचारी व अधिकारी यांना माहिती देण्यात यावी,असेही ते म्हणाले. तर नावडकर म्हणाले, ग्राहक पंचायतीच्या पदाधिकाऱ्यांनी वाहतूकीच्या अनुषंगाने सूचना केल्या, या सुचनाबाबत प्रशासनाच्यावतीने सकारात्मक विचार करण्यात येईल, असे नावडकर म्हणाले.
पाटील म्हणाले, एमआयडीसी परिसरातील वाहतुक कोंडी सोडवण्याकरिता वाहन पार्किंगच्या अनुषंगाने नियोजन करण्यात येईल. वाहणकरिता टर्मिनल तयार करुन त्यावर वाहनाची पार्कींग करण्याबाबत कंपनीला सूचना देण्यात आल्या. वाहनांना पार्किंगकरिता पार्किंग यार्डची नेमून देण्यासह वाहन चालकांना मूलभूत सुविधा उपलब्ध करुन द्याव्यात अशी सुचना त्यांनी केली. यावेळी वाहतूक शाखा पोलीस निरीक्षक चंद्रशेखर यादव, पोलीस निरीक्षक वैशाली पाटील, नायब तहसीलदार पी. डी. शिंदे, ग्राहक पंचायतीचे जिल्हाध्यक्ष ऍड तुषार झेंडे पाटील, तालुका अध्यक्ष संजीव बोराटे, एमआयडीसी परिसरातील पॅजिओ कंपनी, गजानन ऍग्रो कंपनी, बारामती कॅटल फुड कंपनी, भारत फोर्ज कंपनी, मोरया गोदरेज व डायनामिक्स कंपनीचे प्रतिनिधी उपस्थित होते.
