आर्म ऍक्टनुसार खडक पोलीस ठाण्यात गुन्हा दाखल
marathinews24.com
पुणे – गावठी पिस्तूल बाळगणारा जेरबंद; युनिट एकची कारवाई – गावठी पिस्तूल बाळगणाऱ्या आरोपीला गुन्हे शाखेच्या युनिट एकने अटक केली आहे. त्याच्या ताब्यातून ४० हजारांचे गावठी पिस्तूल आणि सहा हजारांची ६ जिवंत काडतुसे जप्त केली आहेत. जितु रवि मंडलिक (वय २०, रा. काकडे वस्ती, कोंढवा) असे अटक केलेल्या आरोपीचे नाव आहे. त्याच्याविरोधात आर्म ऍक्टनुसार खडक पोलीस ठाण्यात गुन्हा दाखल करण्यात आला आहे.
पोर्शे अपघात प्रकरणात बिल्डर विशाल अगरवालचा जामीन अर्ज फेटाळला – सविस्तर बातमी
कायदा सुव्यवस्था राखण्यासाठी गुन्हे शाखेचे युनिट एकचे पथक हद्दीत २९ जुलैला पेट्रोलिंग करत होते. त्यावेळी भवानी पेठत विनापरवाना गावठी पिस्तूल आणि काडतुसे बाळगलेल्या आरोपीची माहिती पोलीस अनिकेत बाबर यांना मिळाली. तो कोणत्यातरी गंभीर गुन्ह्याच्या तयारीत असल्याची माहिती मिळताच पथकाने घटनास्थळी धाव घेतली. मटण मार्केटजवळील जुन्या मोटर स्टँड भागात आरोपी जितू मंडलिक याला ताब्यात घेतले. त्याच्याकडून पिस्तूल, काडतुसे जप्त केली. ही कामगिरी अपर पोलीस आयुक्त पंकज देशमुख, उपायुक्त निखील पिंगळे, एसीपी राजेंद्र मुळीक वरिष्ठ पोलीस निरीक्षक कुमार घाडगे, एपीआय दिपक बर्गे, राहुल मखरे, अनिकेत बाबर, शशिकांत दरेकर, निलेश साबळे, शुभम देसाई, उमेश मठपती यांनी केली.
