सीसीटीव्ही चित्रीकरणावरुन महिलेचा घेतला शोध
marathinews24.com
पुणे – रस्त्याच्या कडेला लावलेल्या टेम्पेतून कपडे चोरणाऱ्या महिलेला येरवडा पोलिसांनी अटक केली. कपडे चोरून पसार झालेल्या महिलेचा सीसीटीव्ही चित्रीकरणावरुन माग काढण्यात आला. नंदा विकास काळे (वय ४५, रा. पाण्याच्या टाकीजवळ, चंद्रमानगर, येरवडा) असे अटक करण्यात आलेल्या महिलेचे नाव आहे. याबाबत एका टेम्पो चालकाने येरवडा पोलीस ठाण्यात फिर्याद दिली आहे.
२ लाख रूपये दे नाहीतर फोटो व्हायरल करेल – सविस्तर बातमी
तक्रारदार टेम्पो चालक हे ऑनलाइन पद्धतीने विक्री करणाऱ्या विविध वस्तूंची वाहतूक करतात. महागड्या कपडे पोहोचविण्याचे काम टेम्पो चालाकाकडे सोपविण्यात आले होते. १८ नोव्हेंबर रोजी चालकाने टेम्पो येरवड्यातील प्रतीकनगर परिसरात लावला. टेम्पोत महागड्या कपड्यांचे पार्सल ठेवण्यात आले होते. काळे हिने टेम्पोत ठेवलेले कपड्यांचे पार्सल लांबविले. टेम्पो चालकाने तक्रार दिल्यानंतर पोलिसांनी तपास सुरू केला. पोलीस उपनिरीक्षक महेश फटांगरे आणि शैलेश वाबळे यांनी सीसीटीव्ही चित्रीकरण तपासले. तेव्हा चित्रीकरणात कपडे चोरणारी महिला आढळून आली. महिला परिसरात राहत असल्यचाी माहिती मिळाल्यानंतर पोलिसांनी शोध घेऊन काळे हिला ताब्यात घेतले. वरिष्ठ पोलीस निरीक्षक अंजुम बागवान, गुन्हे शाखेचे निरीक्षक विजय ठाकर यांच्या मार्गदर्शनाखाली ही कारवाई करण्यात आली.
