छायाचित्रे प्रसारित करण्याच्या धमकीने १० लाखांची मागणी
marathinews24.com
पुणे – विवाहाच्या आमिषाने महिलेवर बलात्कार करुन तिची समाजमाध्यमात छायाचित्रे प्रसारित करण्याची धमकी देऊन दहा लाख रुपयांची खंडणी मागण्यात आल्याचा प्रकार उघडकीस आला. आरोपीने महिलेला धमकावून तिच्याकडून १ लाख २२ हजार रुपये घेतले. याप्रकरणी एकाविरुद्ध वाघोली पोलिसांनी गुन्हा दाखल केला. महिलेने वाघोली पोलीस ठाण्यात फिर्याद दिली आहे. आरोपी वीरेन धीरजकुमार रणशृंगारे (वय ३३, रा. बुधवार पेठ, सोलापूर) याच्याविरुद्ध गुन्हा दाखल करण्यात आला.
स्वस्तात सोने पडले महागात; २५ लाखांची फसवणूक – सविस्तर बातमी
पोलिसांनी दिलेल्या माहितीनुसार, तक्रारदार ३१ वर्षीय महिला आणि आरोपी रणशृंगारे यांची दोन वर्षांपूर्वी ओळख झाली होती. त्याने महिलेला विवाहाचे आमिष दाखविले. विवाहाचे आमिष दाखवून तिला जाळ्यात ओढले. त्यानंतर आरोपीने महिलेवर वेळोवेळी बलात्कार केला. त्यानंतर महिलेने विवाहाबाबत विचारणा केली. तेव्हा त्याने टाळाटाळ सुरू केली. आरोपीने महिलेची छायाचित्रे मोबाइलवरुन काढली, तसेच चित्रफीत तयार केली केली.
समाज माध्यमात छायाचित्रे, चित्रफीत प्रसारित करण्याची धमकी देऊन महिलेकडून १ लाख २२ हजार रुपये घेतले. त्यानंतर त्याने छायाचित्रे, चित्रफीत महिलेची बहीण आणि तिच्या पतीला दाखविली. ‘छायाचित्रे, चित्रफीत प्रसारित केल्यास समाजात बदनामी होईल. हा विषय संपवून टाकतो. १० लाख रुपये द्या’, अशी धमकी त्यांना दिली. अखेर घाबरलेल्या महिलेने पोलिसांकडे तक्रार दिली. पोलीस उपनिरीक्षक मनोज बागल तपास करत आहेत.
