सायबर पोलीस ठाण्यात गुन्हा दाखल
marathinews24.com
पुणे – मनी लॉड्रींगची केस असल्याची बतावणी करीत सायबर चोरट्यांनी महिलेचा विश्वास संपादित केला. केसच्या अनुषंगाने चौकशीच्या नावाखाली सायबर चोरट्यांनी त्यांना रक्कम पाठविण्यास भाग पाडले. ४ लाख ८२ हजार ऑनलाईनरित्या वर्ग करून घेत सायबर चोरट्यांनी महिलेला गंडा घातला आहे. ही घटना ८ डिसेंबर ते १५ जानेवारी २०२६ कालावधीत घडली आहे. याप्रकरणी महिलेने सायबर पोलीस ठाण्यात फिर्याद दाखल केली आहे.
कुख्यात घायवळ टोळीविरूद्ध ६ हजार ४५५ पानांचे दोषारोपपत्र – सविस्तर बातमी
पोलिसांनी दिलेल्या माहितीनुसार, सायबर चोरट्यांनी तक्रारदार महिलेला ८ डिसेंबरला फोन केला. महिलेविरोधात मनी लॉड्रींगची केस असल्याची बतावणी केली. त्यानुसार केसच्या अनुषंगाने तपासणीच्या नावाखाली सायबर चोरट्यांनी महिलेला रक्कम पाठवण्यास भाग पाडले. ४ लाख ८२ हजारांवर रक्कम पाठवल्यानंतर महिलेला फसवणूक झाल्याचे लक्षात आले. त्यानंतर त्यांनी सायबर पोलीस ठाण्यात धाव घेतली. याप्रकरणी पोलीस निरीक्षक संगीता देवकाते तपास करीत आहेत.
