फरासखाना पोलीस ठाण्यात गुन्हा दाखल
marathinews24.com
पुणे – रोगनिदान केंद्रात तपासणीसाठी आलेल्या महिलेच्या पिशवीतून ४५ हजार रुपयांचे दागिने लांबविण्यात आल्याची घटना उघडकीस आली. मंगळवार पेठेतील एका खासगी रोगनिदान केंद्रात ही घटना घडली. महिलेने फरासखाना पोलीस ठाण्यात फिर्याद दिली आहे. याप्रकरणी चोरट्याविरुद्ध गुन्हा दाखल करण्यात आला आहे.
दानपेटी फोडून दोन लाखांची रोकड चोरी – सविस्तर बातमी
पोलिसांनी दिलेल्या माहितीनुसार, तक्रारदार महिला कोथरूड भागात राहायला आहेत. त्या १४ नोव्हेंबर रोजी मंगळवार पेठेतील एका खासगी रोगनिदान केंद्रात (डायग्नोसिस सेंटर) तपासणीसाठी आल्या हाेत्या. तपासणीसाठी आल्यनंतर त्यांनी त्यांच्याकडील दागिने आणि रोकड पिशवीत ठेवली. महिलेचे लक्ष नसल्याची संधी साधून दागिने आणि रोकड ठेवलेली पिशवी चोरून नेली. तपासणी करुन आल्यानंतर पिशवी चोरुन नेल्याचे उघडकीस आल्यानंतर महिलेने पोलिसांकडे तक्रार दिली. पोलीस हवालदार मनीषा पुकाळे तपास करत आहेत.
