आरोपीला सहकारनगर पोलिसांनी केली अटक
marathinews24.com
पुणे – जुन्या भांडणाच्या रागातून टोळक्याने तरूणावर वार करून जीवे मारण्याचा प्रयत्न केला. ही घटना ३ डिसेंबरला रात्री सव्वा अकराच्या सुमारास धनकवडीतील बालाजीनगरात घडली आहे. याप्रकरणी एका आरोपीला सहकारनगर पोलिसांनी अटक केली आहे. आदित्य काका गायकवाड (वय १९ रा. धायरी ) असे अटक केलेल्याचे नाव आहे. आर्यन रवींद्र लोखंडे (वय १९, रा. बालाजीनगर, धनकवडी) असे जखमीचे नाव आहे. त्याने फिर्याद दाखल केली आहे.
वडगाव शेरीत घरफोडी, ऐवज केला चोरी – सविस्तर बातमी
पोलिसांनी दिलेल्या माहितीनुसार, आर्यन हा कुल्फी विक्रीच्या गाडीवर कामाला असून, जुन्या भांडणाच्या रागातून टोळक्याने ३ डिसेंबरला रात्री अकराच्या सुमारास त्याला बालाजीनगरात गाठले. लोखंडी शस्त्र काढून त्याच्या दोन्ही हातासह मांडीवर, पाठीवर, मानेवर वार केला. आर्यनला जीवे ठार मारण्याच्या उद्देशाने टोळक्याने हल्ला केल्याचे तपासात निष्पन्न झाले आहे. याप्रकरणी एकाला अटक करण्यात आली असून, उर्वरित अल्पवयीन साथीदारांना ताब्यात घेतले आहे. पोलीस उपनिरीक्षक गणेश कर्चे तपास करीत आहेत.
