आंबेगाव बुद्रूकमधील झाशीची राणी लक्ष्मीबाई भुयारी मार्गात घडला अपघात
marathinews24.com
पुणे – वाहतूक नियमांचे उल्लंघन करीत बेदरकारपणे टेम्पो चालवून चालकाने तरूणाला धडक दिली. त्यामुळे तरूणाचा मृत्यू झाला आहे. हा अपघात ११ फेबु्रवारीला आंबेगाव बुद्रूकमधील झाशीची राणी लक्ष्मीबाई भुयारी मार्गात घडला आहे. याप्रकरणी अज्ञात टेम्पो चालकाविरूद्ध आंबेगाव पोलिसांनी गुन्हा दाखल केला आहे. इराप्पा मारूती बैलपत्तार (वय ४० रा.कात्रज गावठाण ) असे ठार झालेल्याचे नाव आहे. याप्रकरणी पोलीस अमलदार ऋषीकेश चोरगे यांनी फिर्याद दाखल केली आहे.
कोथरूडमध्ये फ्लॅटमधून १९ लाखांचे दागिने चोरीला – सविस्तर बातमी
पोलिसांनी दिलेल्या माहितीनुसार, चालकाने ११ फेबु्रवारीला आंबेगाव बुद्रूकमधील झाशीची राणी लक्ष्मीबाई भुयारी मार्गात टेम्पा उभा केला होता. डिझेलचे पैसे आणल्यानंतर तो पुन्हा टेम्पो घेउन जात होता. त्यावेळी त्याने इराप्पाला धडक दिली. त्यामुळे तो गंभीररित्या जखमी झाल्यामुळे त्याला रूग्णालयात दाखल करण्यात आले. उपचारादरम्यान त्याचा मृत्यू झाल्याचे डॉक्टरांनी घोषित केले. याप्रकरणी सहायक पोलीस निरीक्षक फिरोज मुलाणी तपास करीत आहेत.
