अज्ञात चोरट्यांविरूद्ध गुन्हा दाखल
marathinews24.com
पुणे – शहरातील मध्यवर्ती गंजपेठेत भरदिवसा चोरट्यांनी घराचे कुलूप तोडून आतमध्ये प्रवेश करीत ५५ हजारांची रोकड आणि सोन्या-चांदीचे दागिने असा १ लाख ३० हजारांचा ऐवज चोरून नेला आहे. ही घटना १६ एप्रिलला दुपारी अडीच वाजण्याच्या सुमारास गंजपेठेतील श्रीनिवास इमारतीत घडली आहे. याप्रकरणी तरूणाने खडक पोलीस ठाण्यात फिर्याद दाखल केली आहे. त्यानुसार अज्ञात चोरट्यांविरूद्ध गुन्हा दाखल करण्यात आला आहे.
बालकाच्या मृत्यूप्रकरणी डाॅक्टरांसह परिचारिकेविरुद्ध गुन्हा – सविस्तर बातमी
पोलिसांनी दिलेल्या माहितीनुसार, तक्रारदार हे गंजपेठेतील श्रीनिवास सोसायटीत राहायला असून, १६ एप्रिलला ते कुटूंबियासह बाहेर गेले होते. त्यावेळी भरदुपारी चोरट्यांनी त्यांच्या बंद घराचे कुलूप तोडून आतमध्ये प्रवेश केला. कपाटातील ५५ हजारांची रोकड आणि सोन्या-चांदीचे दागिने असा सव्वा लाखांवर ऐवज चोरून नेला. संध्याकाही सहाच्या सुमारास तक्रारदार हे घरी आले असता, त्यांना चोरी झाल्याचे दिसून आले. त्यानंतर त्यांनी पोलीस ठाण्यात धाव घेतली. याप्रकरणी पोलीस उपनिरीक्षक दाढे तपास करीत आहेत.
