दुकानांचा कारभार महिला बचत गटांच्या हाती
marathinews24.com
पिंपरी – पिंपरी चिंचवड शहरात आणखी नवीन सात स्वस्त धान्य दुकाने सुरू होणार आहेत. विशेष म्हणजे या सर्व दुकानांचा कारभार महिलांच्या हाती येणार आहे.
पदवीधर-शिक्षक मतदार नोंदणीसाठी ६ नोव्हेंबरपर्यंत मुदत : जिल्हाधिकारी जितेंद्र डुडी – सविस्तर बातमी
पिंपरी चिंचवड शहरातील रेशन विभागाचे चिंचवड (अ) पिंपरी (ज )आणि भोसरी( फ) हे तीन विभाग असून चार लाख 89 हजार 337 लाभार्थी आहेत. जिल्हाधिकाऱ्यांनी नवीन सात दुकानांना मंजुरी दिल्याने शहरातील स्वस्त धान्य दुकानांची संख्या 253 वरून 260 झाली आहे.
अ परिमंडळ विभागात डांगे चौक गणेश नगर काळा खडक येथील राजनंदिनी महिला बचत गट , रहाटनी रामनगर येथील कमल महिला बचत गट, पिंपळे निलख येथील श्री माऊली महिला स्वयंसाहाय्यता बचत गट, मामुर्डी शितोळे नगर येथील सिद्धिविनायक महिला बचत गट यांना दुकाने मंजूर झाली आहेत.
ज परिमंडळ विभागात वैभव नगर तपोवन मंदिर रोड पिंपरी गाव येथील पुनाकर माता महिला बचत गट, दापोडी येथील स्वामी समर्थ महिला बचत गट, चिंचवड स्टेशन येथील लक्ष्मीदेवी महिला बचत गट यांना दुकाने मंजूर झाली आहेत. शहरात 3710 जण अंत्योदय आणि 88,641 जण अन्नसुरक्षा योजनेअंतर्गत आहेत यापैकी अ विभागात चार आणि ज विभागात तीन अशी एकूण सात दुकाने सुरू होणार आहेत
