स्पेनमध्ये स्कायडायव्हिंग करून दिल्या अनोख्या शुभेच्छा
marathinews24.com
मुंबई – आंतरराष्ट्रीय पातळीवर ख्यातनाम भारतीय स्कायडायव्हर व पद्मश्री पुरस्काराने गौरविण्यात आलेल्या शीतल महाजन यांनी भारताचे पंतप्रधान नरेंद्र मोदी यांच्या ७५ व्या वाढदिवसानिमित्त आकाशातून ऐतिहासिक शुभेच्छा संदेश दिला. नीता अंबानी यांच्या रिलायन्स फाउंडेशनच्या सहकाऱ्याने शीतल महाजन यांनी जगातील सर्वांत उंच ठिकाणी माऊंट एव्हरेस्ट समोर कालापत्थर येथे पॅराशूट लँडिंगचे जागतिक रेकॉर्ड केले आहे.
डॉ. मोहन आगाशे यांच्या हस्ते होणार लाईमलाईट प्रादेशिक’ पुस्तकाचे प्रकाशन – सविस्तर बातमी
महाजन यांनी युरोपमधील प्रसिद्ध स्कायडायव्हिंग केंद्र स्कायडाईव्ह एम्पुरियाब्रावा (स्पेन) येथे उडी घेतली. या विशेष स्कायडायव्ह दरम्यान त्यांनी ८x६ फूट आकाराचा ध्वज बॅनर प्रदर्शित केला, ज्यावर माननीय पंतप्रधान श्री नरेंद्र मोदी यांना ७५ व्या वाढदिवसाच्या हार्दिक शुभेच्छा. असा संदेश लिहला होता.
शीतल महाजन म्हणाल्या, पंतप्रधानांना त्यांच्या ७५ व्या वाढदिवसाच्या शुभेच्छा आकाशातून देणे माझ्यासाठी अभिमानाची आणि सन्मानाची गोष्ट आहे. स्कायडायव्हिंग नेहमीच धैर्य आणि दृढनिश्चयाचे प्रतीक राहिले आहे आणि आजची ही विशेष उडी मी मोदी जींच्या राष्ट्रासाठी केलेल्या कार्याला आणि दूरदृष्टीपूर्ण नेतृत्वाला समर्पित करते. ही ऐतिहासिक स्कायडायव्ह केवळ आंतरराष्ट्रीय स्तरावर भारताचा सन्मान वाढवणारी ठरत नाही तर “आझादीचा अमृतकाल” या काळात भारतीय महिला शक्तीच्या धैर्य, जिद्द आणि यशाचे प्रतीक ठरते.
