वानवडीत परस्परविरोधी गुन्हा दाखल
marathinews24.com
पुणे – किरकोळ जुन्या वादातून टोळक्याने एकमेकांच्या घरात शिरून तरूणासह त्यांच्या कुटूंबियांना बेदम मारहाण करीत गंभीर जखमी केले आहे. दोन्ही हल्ल्यात टोळक्याने घातक शस्त्रासह दगडांनी हल्ला करीत संबंधितांना जखमी केल्याची घटना ५ ऑक्टोबरला सकाळी साडेदहाच्या सुमारास हडपसरमधील गोसावी वस्ती परिसरात घडली आहे. याप्रकरणी वानवडी पोलीस ठाण्यात परस्परविरोधी गुन्हा दाखल करण्यात आला आहे.
गुंतवणूकीच्या आमिष पडले ३७ लाखांना – सविस्तर बातमी
सागर शंकर शेगर, राहूल अर्जुन शेगर, किशोर शंकर शेगर, शत्रुघ्न अर्जुन शेगर, मनोज अर्जुन शेगर, स्वप्नील अर्जुन शेगर, नितीन सुभाष शेगर, ज्योती शेगर, संगीता शेगर, हिरकणबाई शेगर (सर्व रा. गोसावी वस्ती हडपसर) अशी गुन्हा दाखल झालेल्यांची नावे आहेत. याप्रकरणी दीपक बाबाजी शेगर (वय २३) यांनी वानवडी पोलीस ठाण्यात फिर्याद दाखल केली आहे.
पोलिसांनी दिलेल्या माहितीनुसार, जुन्या भांडणाच्या रागातून शेगर कुटूंबियामध्ये वाद आहेत. ५ ऑक्टोबारला सकाळी साडेदहाच्या सुमारास टोळक्याने दीपक शेगर यांच्या घरात शिरून त्यांच्या डोक्यात शस्त्राने मारहाण केली. त्यांच्या कुटूंबियावर हल्ला करून गंभीररित्या जखमी केले आहे. याप्रकरणी वरिष्ठ पोलीस निरीक्षक डोके तपास करीत आहते. तर दुसरे तक्रारदार राहूल अर्जुन शेगर (वय ३२, रा. गोसावी वस्ती, हडपसर) यांनी दिलेल्या फिर्यादीनुसार बाबाजी शेगर, दीपक बाबाजी शेगर, प्रेम बाबाजी शेगर, करण बाबाजी शेगर, रोहन बाबाजी शिंदे यांच्यासह इतरांविरूद्ध गुन्हा दाखल केला आहे. राहूल शेगर गंभीर जखमी झाले आहे. त्याने वानवडी पोलीस ठाण्यात फिर्याद दाखल केली आहे. याप्रकरणी पोलीस उपनिरीक्षक धनाजी टोणे तपास करीत आहेत.
