कोथरूडमध्ये दुचाकीस्वाराला तरुणाला धमकावून लुटले

दोन चोरट्यांविरुद्ध गुन्हा दाखल

marathinres24.com

पुणे – दुचाकीस्वार तरुणाला धमकावून त्याच्याकडील ५० हजार रुपयांची सोनसाखळी हिसकावून नेल्याची घटना कोथरूड परिसरात घडली. याप्रकरणी दुचाकीस्वार चोरट्यांविरुद्ध गुन्हा दाखल करण्यात आला आहे. याबाबत तरुणाने कोथरूड पोलीस ठाण्यात फिर्याद दिली आहे. त्याने दिलेल्या फिर्यादीनुसार, दोन चोरट्यांविरुद्ध गुन्हा दाखल करण्यात आला आहे.

पुण्यातील फरारी तोतया डाॅक्टर गजाआड – सविस्तर बातमी 

पोलिसांनी दिलेल्या माहितीनुसार, तक्रारदार दुचाकीस्वरा तरुण कोथरूडमधील भुसारी काॅलनीत राहायला आहे. १ नोव्हेंबर रोजी तक्रारदार तरुण दुचाकीवरुन सायंकाळी साडेपाचच्या सुमारास कोथरूड पीएमपी स्थानक परिसरातून निघाला होता. त्यावेळी दुचाकीवरुन आलेल्या दोन चोरट्यांनी दुचाकीस्वार तरुणाला अडवले आणि त्याच्याशी कारण नसताना वाद घालण्यास सुरुवात केली. त्यानंतर चोरट्यांनी झटापट करुन तरुणाच्या गळ्यातील ५० हजार रुपयांची सोनसाखळी हिसकावून नेली. सोनसाखळी हिसकावून नेल्यानंतर तरुणाने आरडाओरडा केला. चोरटे भरधाव वेगात दुचाकीवरुन पसार झाले.

घटनेमुळे तरुणाला मानसिक धक्का बसला होता. त्याने नुकतीच पोलिसांकडे तक्रार दिली. पोलीस हवालदार एच. एन. माळी तपास करत आहेत.