सहकारनगर पोलीस ठाण्यात गुन्हा दाखल
marathinews24.com
पुणे – भरदिवसा फ्लॅटचे कुलूप तोडून चोरट्यांनी ४० हजारांची रोकडसह दागिने असा मिळून ४५ हजारांचा ऐवज चोरून नेला आहे. ही घटना २३ डिसेंबरला सकाळी पावणेअकराच्या सुमारास बालाजीनगरातील गणेश व्हिला सोसायटीत घडली आहे. याप्रकरणी तरूणाने सहकारनगर पोलीस ठाण्यात फिर्याद दाखल केली आहे.
संशयित दहशतवादी जुबेरचे अफगाणिस्तान, हाँगकाँग कनेक्शन – सविस्तर बातमी
पोलिसांनी दिलेल्या माहितीनुसार, तक्रारदार तरूण हा कुटूंबियासह बालाजीनगरातील गणेश व्हिला सोसायटीत राहायला आहे. २३ डिसेंबरला त्यांचा फ्लॅट बंद असताना, चोरट्यांनी कुलूप तोडून आतमध्ये प्रवेश केला. घरातील कपाटातून ४० हजारांची रोकड आणि सोन्याचे दागिने असा ४५ हजारांचा ऐवज चोरून नेला. संध्याकाळी सहाच्या सुमारास तरूण घरी आल्यानंतर त्याला चोरी झाल्याचे दिसून आले. त्यानंतर त्याने पोलीस ठाण्यात धाव घेत तक्रार दाखल केली. याप्रकरणी पोलीस उपनिरीक्षक एस. डी. फकीर तपास करीत आहेत.
