पोलिसांनी सापळा लावून केली अटक
marathinews24.com
पुणे – शहरातून तडीपार करण्यात आल्यानंतर आदेशाचा भंग करणाऱ्या दोघा सराइतांना पोलिसांनी पकडले. गुलटेकडी, तसेच सिंहगड रस्ता परिसरात ही कारवाई करण्यात आली. गुलटेकडीतील इंदिरानगर वसाहतीत राहणारा सराइत कासम दस्तगीर शेख (वय ३५) याला पुणे, पिंपरी-चिंचवड शहर, जिल्ह्यातून सहा महिन्यांसाठी तडीपार करण्यात आले आहे. तडीपार केल्यानंतर तो शहरात आला होता. सोमवारी (२९ डिसेंबर) दुपारी बाराच्या सुमारास तो इंदिरानगर वसाहतीतील किराणा माल दुकानाजवळ थांबला होता. याबाबतची माहिती स्वारगेट पोलिसांना मिळाली. पोलिसांनी सापळा लावून त्याला पकडले. पोलीस शिपाई फिरोज शेख यांनी स्वारगेट पोलीस ठाण्यात फिर्याद दिली आहे.
सोशल मीडियाद्वारे झालेल्या ओळखीतून युवतीवर बलात्कार – सविस्तर बातमी
सिंहगड रस्त्यावरील वडगाव बुद्रुक परिसरात तडीपार केल्यानंतर शहरात आलेल्या गोपाळ चंद्रकांत सोनवणे (वय ३०, रा. किरकटवाडी, सिंहगड रस्ता) याला पोलिसांनी पकडले. सोनवणे याला शहर आणि जिल्ह्यातून एक वर्षांसाठी तडीपार करण्यात आले होते. तडीपार केल्यनंतर तो आदेशाचा भंग करुन शहरात आला होता. याबाबत पोलीस हवालदार कैलास लिम्हण यांनी सिंहगड रस्ता पाेलीस ठाण्यात फिर्याद दिली आहे.
