अज्ञात वाहन चालकाविरूद्ध गुन्हा दाखल
marathinews24.com
पुणे – भरधाव वाहन चालकाने दिलेल्या धडकेत तरूणाचा मृत्यू झाला आहे. हा अपघात ४ मार्चला सकाळी नउच्या सुमारास खराडीतील लेबरकॅम्प मुंढवा बायपास रोडवर घडली आहे. दिलीप सुकल हेमराम (वय २९ रा. लेबरकॅम्प, खराडी) असे ठार झालेल्याचे नाव आहे. याप्रकरणी सुनील सोमकिस्कु (वय ४२ रा. लेबरकॅम्प, खराडी) याने फिर्याद दाखल केली आहे. त्यानुसार खराडी पोलिसांनी अज्ञात वाहन चालकाविरूद्ध गुन्हा दाखल केला आहे.
तरुणाला शेअरमधील गुंतवणूक पडली १४ लाखांना – सविस्तर बातमी
पोलिसांनी दिलेल्या माहितीनुसार, खराडीत लेबरकॅम्प असून, त्याठिकाणी दिलीप हेमराम कामाला होता. ४ मार्चला सकाळी नउच्या सुमारास तो रस्त्यावरून जात होता. त्यावेळी भरधाव अज्ञात वाहन चालकाने त्याला धडक दिली. त्यामुळे खाली पडून दिलीप गंभीररित्या जखमी झाला. उपचारादरम्यान त्याचा मृत्यू झाल्याचे डॉक्टरांनी घोषित केले आहे. याप्रकरणी सीसीटीव्ही फुटेजमधील वाहन क्रमांकानुसार आरोपीचा शोध घेतला जात असल्याची माहिती पोलिसांनी दिली आहे.
