पोलीस भरतीनिमित्त सहकारनगर भागात वाहतूक बदल

वाहन चालकांनी पर्यायी मार्गाचा वापर करावा

marathinews24.com

पुणे – पोलीस भरतीसाठी सहकारनगर भागातील कै. सदू शिंदे स्टेडियम, तसेच परिसरातील रस्त्यावर वाहतूक बदल करण्यात येणार आहे. वाहन चालकांनी पर्यायी मार्गाचा वापर करावा, असे आवाहन वाहतूक पोलिसांनी केले आहे.

महिला सक्षमीकरणाचा ‘पुणे पॅटर्न’: परिवर्तनाची सक्षम वाटचाल – सविस्तर बातमी 

‘पुणे पोलीस दलातील पोलीस शिपाई भरती प्रक्रियेत चालक पदासाठीची भरती प्रक्रिया सहकारनगरमधील कै. सदू शिंदे क्रिकेट स्टेडियम येथे राबविण्यात येणार आहे. शनिवारी (७ मार्च) आणि रविवारी (८ मार्च) भरती प्रक्रियेतील मैदानी चाचणी मैदानावर राबविण्यात येणार आहे. सकाळी सहा वाजल्यापासून या भागातील वाहतूक व्यवस्थेत बदल करण्यात येणार आहेत. कै. सदू शिंदे स्टेडियम ते ट्री पाॅईंटपर्यंत असलेल्या रस्त्यावरील वाहतूक पर्यायी मार्गाने वळविण्यात येणार आहे. वाहनचालकांनी तळजाई ते बिकानेर मिठाई चौक दरम्यान ये जा करण्यासाठी स्टेडियम शेजारील डांबरी रस्त्याचा वापर करावा’, असे आवाहन वाहतूक शाखेचे पोलीस उपायुक्त हिंमत जाधव यांनी केले आहे.