वारजे जकातनाका ते कर्वे पुतळा बसस्थानक प्रवासादरम्यान घडली घटना
marathinews24.com
पुणे – पीएमपीएल बसप्रवासात गर्दीचा फायदा घेउन चोरट्यांनी महिलेच्या हातातील ७० हजार रूपये किंमतीची सोन्याची बांगडी चोरून नेली आहे. ही घटना १९ मार्चला संध्याकाळी साडेचारच्या सुमारास वारजे जकातनाका ते कर्वे पुतळा बसस्थानक प्रवासादरम्यान घडली आहे. याप्रकरणी वारजेत राहणार्या ६७ वर्षीय महिलेने अलंकार पोलीस ठाण्यात फिर्याद दाखल केली आहे. त्यानुसार अज्ञात चोरट्यांविरूद्ध गुन्हा दाखल करण्यात आला आहे.
घातपाताच्या तयारीतील सराईताला अटक, पिस्तूल जप्त – सविस्तर बातमी
पोलिसांनी दिलेल्या माहितीनुसार, तक्रारदार जेष्ठ महिला वारजे माळवाडीतील ब्रम्हचैतन्य सोसायटीत राहायला आहे. १९ मार्चला संध्याकाळी साडेचार वाजण्याच्या सुमारास महिला वारजे जकातनाका ते कर्वे पुतळा बसस्थानक असा प्रवास करीत होती. त्यावेळी बसमध्ये गर्दीचा फायदा घेउन चोरट्यांनी महिलेच्या हातातील ७० हजार रूपये किंमतीची सोन्याची बांगडी कापूून नेली. बसमधून उतरताना महिलेला हातातून बांगडी चोरीला गेल्याचे लक्षात आले. त्यानंतर त्यांनी अलंकार पोलीस ठाण्यात धाव घेत तक्रार दाखल केली. याप्रकरणी पोलीस उपनिरीक्षक जाधव तपास करीत आहेत.
