काशेवाडीतील घटना, दोघांना अटक
marathinews24.com
पुणे – जुन्या वादातून काशेवाडीत चौघांनी दोन तरुणांवर जीवघेणा हल्ला करत एका तरुणाच्या पोटात धारधार हत्यार भोसकून त्याला जीवे ठार मारण्याचा प्रयत्न केल्याची घटना घडली. पोलिसांनी पसार झालेल्या दोघांना अटक केली आहे. दोन अल्पवयीन मुलांचे शोध घेतला जात आहे. कमरअली सज्जरअली सय्यद (वय १८) आणि तुफेलअली अशरफअली सय्यद (वय १८) अशी अटक करण्यात आलेल्यांची नावे आहेत. तर, दोन अल्पवयीन मुले पसार झाली आहेत. त्यांचा शोध घेतला जात आहे. याप्रकरणी १९ वर्षीय तरुणाने खडक पोलिस ठाण्यात तक्रार दिली आहे.
पुणे पोलिसांची मोठी कारवाई; १० गुन्हेगार जिल्ह्यातून तडीपार – सविस्तर बातमी
पोलिसांच्या माहितीनुसार, कमरअली व आरोपी एकमेकांच्या ओळखीचे आहेत. त्यांच्यात जुने वाद आहेत. काशेवाडीतील त्रिकोणी गार्डन परिसरात तक्रारदार व त्याचा मित्र थांबलेले होते. तेव्हा रात्री साडे दहाच्या सुमारास चार आरोपी हातात लाकडी बांबू तसेच हत्यार घेऊन त्याठिकाणी आले. त्यांनी जुन्या वादातून तक्रारदार यांना बेदम मारहाण करण्यास सुरूवात केली. त्यांच्यावर हत्याराने वार केले. गंभीर जखमी झाल्यानंतर त्यांचा मित्र याच्या पोटात धारधार हत्यारे भोसकून त्याला जीवे ठार मारण्याचा प्रयत्न केला. अचानक झालेल्या या गोंधळामुळे परिसरात मोठा गोंधळ उडाला. नागरिक जमा होऊ लागताच आरोपी तेथून पसार झाले. पोलिसांनी शोध घेऊन या दोघांना पकडले. त्यांचे दोन अल्पवयीन साथीदार पसार झाले आहेत.
