पोलिस अधीक्षक पंकज देशमुख यांना नीलम गोऱ्हे यांचे निर्देश
marathinews24.com
पुणे – बारामती तालुक्यातील महादेव मळा येथे राहणाऱ्या अल्पवयीन मुलीची छेडाछेड केल्याच्या घटनेतील आरोपींवर पॉस्को आणि एट्रॉसिटीचा गुन्हा दाखल करण्यात आला आहे. प्रकरणातील आरोपींना तात्काळ अटक करण्यात यावी, असे निर्देश उपसभापती नीलम गोऱ्हे यांनी ग्रामीण अधीक्षक पंकज देशमुख यांना दिले.
पुण्यात ९ वर्षाच्या दोन मुलीसोबत अश्लील चाळे – सविस्तर बातमी
बारामती तालुक्यातील महादेव मळा येथे राहणाऱ्या अल्पवयीन मुलीची छेडछाड केल्याची घटना 13 एप्रिल रोजी घडली. त्यावेळी पीडित मुलीच्या कुटुंबियांनी स्थानिक पोलिसांकडे याबाबतची तक्रार देताच, आरोपी विरोधात विविध कलम लावून पॉस्को आणि एट्रॉसिटी चा गुन्हा दाखल केला.पण त्या आरोपींना अटक करण्यात आली नाही. यामुळे पीडित कुटुंबियांनी नाराजी व्यक्ती केली आहे. पीडित मुलीसोबत घडलेला प्रकार आणि सध्या गावातील वातावरण, याबाबत पिडीत मुलींच्या कुटुंबियांनी मला सविस्तर माहिती दिली आहे. घटनेचे गांभीर्य लक्षात घेऊन उपसभापती नीलम ताई गोऱ्हे यांनी तात्काळ ग्रामीण अधीक्षक पंकज देशमुख यांना फोन केला. घटनेतील सध्याची माहिती जाणून घेत पोलीस तपास पथकाच्या कामगिरीवर नाराजी व्यक्त केली. पीडित मुलीच्या प्रकरणातील आरोपींना तात्काळ अटक करून कडक शासन केले पाहिजे,असे निर्देश त्यांनी दिले.
