चोरट्यांविरुद्ध गुन्हा दाखल
marathinews24.com
पुणे – Pune Crime News : विद्यार्थी राहत असलेल्या दोन सदनिकांमधून चोरट्यांनी सहा लॅपटाॅप चोरुन नेल्याची घटना उघडकीस आली. या प्रकरणी वाघोली पोलिसांनी चोरट्यांविरुद्ध गुन्हा दाखल करण्यात आला. याबाबत महाविद्यालयीन तरुणाने वाघोली पोलीस ठाण्यात फिर्याद दिली आहे.
जवळच्या तीन मित्रांनी दिली सुपारी; हल्ल्यानंतर केला मदतीचा बहाणा – सविस्तर बातमी
पोलिसांनी दिलेल्या माहितीनुसार, वाघोलीतील रायसोनी महाविद्यालयाजवळ गणेश हाईट्स आणि सदगुरु कृपा अपार्टमेंट आहे. चोरट्यांनी सदनिकेचा दरवाजा उघडा असल्याची संधी साधली. दोन सदनिकांमधून सहा लॅपटाॅप चोरुन नेल्याची घटना गुरुवारी (२२ ऑक्टोबर) सकाळी घडली. लॅपटाॅप चोरीला गेल्याच्या प्रकार उघडकीस आल्यानंतर पोलिसांकडे तक्रार देण्यात आली. पोलीस उपनिरीक्षक रमेश साबळे तपास करत आहेत.
उपाहारगृहसमोर टोळक्याची दहशत
उपाहारगृहासमोर टोळक्याने दहशत माजविल्याची घटना घोरपडी गाव परिसरात घडली. (Pune Crime News ) टोळक्याने उपाहारगृह चालकासह थांबलेल्या नागरिकांना धमकाविले. या प्रकरणी मुंढवा पोलिसांकडून टोळक्याविरुद्ध गुन्हा दाखल करण्यात आला. याबाबत एका उपाहारगृह मालकाने मुंढवा पोलीस ठाण्यात फिर्याद दिली आहे.
पोलिसांनी दिलेल्या माहितीनुसार, घोरपडीतील शिर्के कंपनीच्या प्रवेशद्वारासमोर बाबू खान केटरर्स हे उपाहारगृह आहे. २१ ऑक्टोबर रोजी रात्री सव्वानऊच्या सुमारास टोळके तेथे आले. उपाहारगृहासमोर थांबलेल्या नागरिकांना धमकावले. या भागात थांबायचे नाही, अशी धमकी दिली. त्यानंतर टोळके उपाहारगृहात शिरले. त्यांनी उपाहारृहातील भांडी फेकून दिली. कोयते उगारून दहशत माजविली, उपाहारगृहाच्या मालकाला जीवे मारण्याची धमकी दिली. पोलीस कर्मचारी गायकवाड तपास करत आहेत.
