डेक्कन जिमखाना परिसरातील घटना
marathinews24.com
पुणे – Pune Gold Chain Snatching : शहरातील डेक्कन जिमखाना भागात दुचाकीवरील सहप्रवासी तरुणीच्या गळ्यातील ३ लाख रुपयांची सोनसाखळी हिसकावून नेण्यात आल्याची घटना घडली. याबाबत एका तरुणीने डेक्कन पोलीस ठाण्यात फिर्याद दिली आहे. याप्रकरणी दुचाकीस्वार चोरट्यांविरुद्ध गु्नहा दाखल करण्यात आला आहे. तक्रारदार तरुणी आणि तिचा चुलत भाऊ हे भाऊबीजेच्या दिवशी (११ नोव्हेंबर) रात्री सव्वा अकराच्या सुमारास दुचाकीवरुन डेक्कन जिमखाना भागातून निघाले होते. आघारकर संस्थेजवळील वि. स. खांडेकर चौकात दुचाकीस्वार चोरट्यांनी दुचाकीवरील तरुणीच्या गळ्यातील सोनसाखळी हिसकावून नेली. पोलीस उपनिरीक्षक मोरे तपास करत आहेत.
शेअर ट्रेडिंगमधून परताव्याचे आमिष; २५ लाखांची फसवणूक – सविस्तर बातमी
फटाक्यामुळे नदीपात्रात टेम्पोला आग
पेटता फटका पडल्याने टेम्पोला आग लागल्याची घटना नदीपात्रातील रस्त्यावर घडली. अग्निशामक दलाच्या जवानांनी पाण्याचा मारा करुन आग आटोक्यात आणली. भिडे पुलाजवळ नदीपात्रातील रस्त्यावर टेम्पोला लावण्यात आला होता. मध्यरात्री दोनच्या सुमारास टेम्पोला आग लागल्याची माहिती अग्निशामन दलाला मिळाली. त्यानंतर अग्निशामक दलाचा बंब घटनास्थळी दाखल झाला. जवानांनी पाण्याचा मारा करुन आग आटोक्यात आणली. आगीत टेम्पोच्या दर्शनी भाग, तसेच टपाचे नुकसान झाले. पेटता फटका पडल्याने आग लागली, अशी माहिती अग्निशामक दलाच्या नियंत्रण कक्षाकडून देण्यात आली. दिवाळीत पुणे शहर परिसरात फटाक्यांमुळे ९६ ठिकाणी आग लागण्याच्या घटना घडल्या. सुदैवाने या घटनेत कोणी जखमी झाले नाही.
