कोरेगाव पार्कमधील बंगल्यातून २५ हजारांची मांजर चोरली; परस्पर विक्री केल्याचा प्रकार उघड
marathinews24.com
पुणे – Pune Cat Theft Case शहरातील कोरेगाव पार्क परिसरातील बंगल्यातून २५ हजार रुपये किमतीची पर्शियन हिमालयन जातीची मांजर चोरून तिची परस्पर विक्री केल्याचा प्रकार समोर आला आहे. याप्रकरणी पाच जणांवर कोरेगाव पार्क पोलिस ठाण्यात गुन्हा दाखल केला आहे. उमेश दिगंबर भोसले (वय ५५, रा. हाऊस नं. २, मोलेदिना रोड, कॅम्प) यांनी तक्रार दिली आहे. त्यानुसार फराह मेमन, विराज पवार, मुबिना मेमन, अमरदीप आणि संदीप अहिवळे यांच्यावर गुन्हा दाखल केला आहे. ही घटना ३१ ऑगस्टला रात्री दहाच्या सुमारास कोरेगाव पार्क येथील लेन क्रमांक तीन मध्ये घडली.
‘टॉनिक’च्या नावाने गुगलवर बनावट वेबसाइट – सविस्तर बातमी
पोलिसांनी दिलेल्या माहितीनुसार, तक्रारदार उमेश भोसले हे कोरेगाव पार्कमध्ये राहायला असून, आरोपी फराह मेमन आणि विराज पवार यांनी त्यांची विदेशी जातीची मांजर चोरली. त्यानंतर त्यांनी ही मांजर संदीप अहिवळे याला विकली. (Pune Cat Theft Case) अहिवळे यानेही पुढे दोन अनोळखी व्यक्तींना मांजरीची विक्री केल्याचे फिर्यादीत नमूद आहे. घटनेनंतर १२ नोव्हेंबरला याप्रकरणी गुन्हा दाखल करण्यात आला असून, पुढील तपास कोरेगाव पार्क पोलिस करत आहेत.
