चाकणमध्ये चार दिवसीय संत साहित्याचा कार्यक्रम; शंकर महाराज शेवाळे यांचे ज्ञानेश्वरी कथाकथन
marathinews24.com
पुणे – चाकण : युगंधर पब्लिकेशन हाऊस, महाराष्ट्र साहित्य परिषद शाखा (चाकण) आणि जय भोले अमरनाथ सेवा संघ वाघजाईमाता देवस्थान ट्रस्ट यांच्या संयुक्त विद्यमानाने संत ज्ञानेश्वर माऊली जीवनचरित्र कथा यज्ञाचे आयोजन चाकणमधील वाघजाई नगरात केले होते. चार दिवसीय सोहळ्यात कथाकार सद्गुरु ह.भ.प. शंकर महाराज शेवाळे यांचा ज्ञानेश्वर भक्ती कथनाचा कार्यक्रम पार पडला.
सोहळ्यात कवी ज्ञानेश्वर शांताबाई नारायण शिळवणे यांच्या ज्ञानेश्वरी काव्यार्थ ग्रंथाचे प्रकाशन महाराष्ट्र साहित्य परिषदेचे अध्यक्ष राजन लाखे यांच्या हस्ते झाले. यावेळी जुन्नरचे आमदार शरद सोनवणे, खेड आळंदीचे आमदार बाबाजी काळे, विठ्ठल रुक्मिणी ट्रस्ट श्री क्षेत्र भंडारा डोंगरचे अध्यक्ष बाळासाहेब काशिद, शिवसेना उबाठा गटाचे उप-तालुकाप्रमुख रामदास धनवटे, प्राध्यापिका-कवियत्री शालिनी सहारे, तात्याकाहेब कड, पुणे जिल्हा ग्रंथालय संघाचे उपाध्यक्ष हनुमंत देवकर उपस्थित होते.
कवी ज्ञानेश्वर शांताबाई नारायण शिळवणे यांनी सर्वसामान्य लोकांना ज्ञानेश्वरी समजावी यासाठी ज्ञानेश्वरी ग्रंथातील ९०३४ ओव्यांचा अर्थ काव्यरूपात गुंफून १२८४ कविता ग्रंथ स्वरूपात आणला आहे. तब्बल ९ वर्षे माऊलींवरची निस्सीम भक्ती, ज्ञानेश्वरीचा दांडगा अभ्यास आणि साधना या मुळेच हे शक्य झाल्याची भावना यावेळी शिळवणे यांनी व्यक्त केली. यावेळी संगीतकार निहार शेंबेकर यांनी संगीतबद्ध केलेल्या आणि स्वतः गायलेल्या कवी शिळवणे लिखित पसायदानाच्या अर्थावरील सुरेल गीताचे अनावरण केले. कार्यक्रमाचे सूत्रसंचालन आदेश टोपे यांनी केले.
