डंपरचालकाविरुद्ध गुन्हा दाखल
marathinews24.com
पुणे – रस्त्यात थांबलेल्या डंपरवर शिवशाही बस आदळून चालकासह वाहक, तसेच दोन प्रवासी जखमी झाल्याची घटना पुणे-सातारा रस्त्यावरील धनकवडी भागात घडली. डंपर रस्त्याच्या कडेला थांबवून अपघातास जबाबदार असल्याप्रकरणी डंपरचालकाविरुद्ध सहकारनगर पोलिसांनी गुन्हा दाखल केला. दीपक प्रकाश माने (वय ४९, रा. गुंडेवाडी, मिरज, जि. सांगली) असे जखमी झालेल्या शिवशाही बसचालकाचे नाव आहे. याबाबत माने यांनी सहकारनगर पोलीस ठाण्यात फिर्याद दिली आहे. डंपरचालकाविरुद्ध गुन्हा दाखल करण्यात आला आहे.
किरकोळ वादातून केला मित्राचा खून – सविस्तर बातमी
पोलिसांनी दिलेल्या माहितीनुसार, मिरज ते स्वारगेट या मार्गावरील शिवशाही बस मंगळवारी (१७ जून) दुपारी एकच्या सुमारास पुणे-सातारा रस्त्यावरुन स्वारगेट स्थानकाकडे निघाली होती. शंकरमहाराज मठासमोर डंपरचालकाने बेशिस्तपणे रस्त्याच्या कडेला डंपर थांबविला. त्यावेळी पाठीमागून शिवशाही बस डंपरवर आदळली.
अपघातात शिवशाही बसचालक माने यांच्यास वाहक, दोन प्रवासी जखमी झाले. अपघातात शिवशाही बसचे नुकसान झाले. अपघाताची माहिती मिळताच वरिष्ठ पोलीस निरीक्षक राहुल गौड यांनी घटनास्थळी जखमी झाले. जखमींवर रुग्णालयात उपचार करण्यात आले. पोलीस हवालदार कांबळे तपास करत आहेत.
