विदेशी महिला अटकेत; डीआरआयची मोठी कारवाई
marathinews24.com
पुणे – बस प्रवाशाकडून पावणे आठ कोटींचे क्रिस्टल मेथ जप्त – डायरेक्टरेट ऑफ रेव्हेन्यू इंटेलिजन्स (डीआरआय) आणि सीमा शुल्क विभाग (कस्टम) पुणे यांनी केलेल्या संयुक्तीक कारवाईत दिल्लीहून बेंगळुरूकडे बसने प्रवास करत असताना अमली पदार्थाची तस्करी करणार्‍या विदेशी महिलेला अटक केली. तिच्या ताब्यातून तब्बल ३ किलो ८१५ ग्रॅम हा क्रिस्टल मेथ हा अमली पदार्थ जप्त करण्यात आला आहे. अंमली पदार्थांची आंतरराष्ट्रीय बाजारातील किंमत ७ कोटी ६३ लाख रूपये आहे.
डीआरआयला मिळालेल्या गुप्त माहितीनुसार, एक विदेशी महिला ही त्याच्या सामानात बेकायदेशिररित्या बंदी असलेला अमंली पदार्थ घेऊन चालली असल्यासची माहिती डीआरआच्या पुणे पथकाला मिळाली होती. त्यानुसार डीआरआय आणि कस्टम विभागाने मुंबई- बंगळुरू महामार्गावार सापळा लावला मुंबई-बंगळुरू महामार्गावर संशयित बस पथकाने आडवून संबंधीत महिलेच्या सामानाजी पथकाने तपासणी केली. मात्र सुरवातील त्यांना बॅगेत काही आढळून आले नाही. बसची पुर्ण तपासणी केल्यानंतर तिने तिची दुसरी बॅग बसच्या मागील बाजूला लपवून ठेवल्याचे पथकाच्या निदर्शनास आले. दुसरी बॅग तपासल्यानंतर त्या बॅगमध्ये कपडे होते. त्यातील सहा सलवार सुटमध्ये विशेष कागदी फळ्या लावून पॉलिथिनच्या अस्तरात क्रिस्टल मेथ लपविल्याचे पोलिसांच्या निदर्शनास आले. तपासात हा पदार्थ क्रिस्टल मेथ असल्याचे निष्पन्न झाले.
महिलेकडून ७ कोटी ६३ लाखांचा ३ किलो ८१५ ग्रॅम अमली पदार्थ जप्त करण्यात आला. क्रिस्टल मेथ जप्त करून संशयित महिलेला एनडीपीएस कायदा १९८५ अंतर्गत अटक करण्यात आली आहे. पुढील तपास सुरू असल्याचे डीआरआयने कळवले आहे. क्रिस्टल मेथ हा एक अत्यंत घातक अमली पदार्थ आहे. याचे वैज्ञानिक नाव मेथॅम्फेटामाइन आहे. हे एक कृत्रिम रासायनिक औषध असून, उत्तेजक म्हणून मेंदू आणि मज्जासंस्थेवर तीव्र परिणाम करते.
