अज्ञात चोरट्यांविरुद्ध संबंधित पोलिस ठाण्यांत गुन्हे दाखल
marathinews24.com
पुणे – Pune House Burglary News : ऐन दिवाळीत शहरात घरफोडीच्या घटनांचे सत्र सुरूच असून, कोरेगाव पार्क, कात्रज आणि वाघोली परिसरात चोरट्यांनी तीन ठिकाणी घरांचे कुलूप तोडून ऐवज लंपास केला. या घटनांमध्ये सोन्याचे आणि चांदीचे दागिने तसेच रोकड चोरीला गेली आहे. तिन्ही प्रकरणांत अज्ञात चोरट्यांविरुद्ध संबंधित पोलिस ठाण्यांत गुन्हे दाखल करण्यात आले आहेत.
रिवॉर्ड पॉइंट रिडीम करण्याच्या बहाण्याने दोघांना १७ लाखांचा गंडा – सविस्तर बातमी
कोरेगाव पार्कमधील ओंकार हाइट्स येथील सी-७ सदनिकेचे कुलूप तोडून चोरट्यांनी तीन लाख ३५ हजार रुपये किमतीचे सोन्या-चांदीचे दागिने चोरून नेले. याबाबत ५८ वर्षीय महिलेने कोरेगाव पार्क पोलिस ठाण्यात तक्रार दिली आहे. चार नोव्हेंबर रोजी सकाळी ११ ते पाच नोव्हेंबर रोजी सकाळी सात या कालावधीत ही घरफोडी झाली. अज्ञात चोरट्याने दरवाजाचे लॉक कशाच्या तरी साह्याने तोडून घरातील दागिने लंपास केले.
कात्रज येथील बाबाजी महाराज जैन संघ मंदिरात घडली. मंदिरातील दानपेटी तसेच गाभाऱ्याच्या दरवाजाचे कुलूप कशाच्या तरी साह्याने तोडून चोरट्यांनी एक लाख ७५ हजार रुपयांचे चांदीचे दागिने आणि ७५ हजार रुपयांची रोकड चोरून नेली. (Pune House Burglary News) याबाबत ६३ वर्षीय व्यक्तीने आंबेगाव पोलिस ठाण्यात तक्रार दिली आहे. ३० ऑक्टोबर रोजी रात्री साडेनऊ ते ३१ ऑक्टोबर रोजी सकाळी सव्वासहा या कालावधीत हा प्रकार घडला.
वाघोलीतील महाराष्ट्र गाडी दुकानामागील दशरथ कट्टे यांच्या घरी घडली. घराचे कुलूप तोडून चोरट्यांनी ४० हजार रुपयांचे मंगळसूत्र, चार हजार रुपयांचे चांदीचे दागिने, ४० हजार रुपयांची रोकड आणि चार हजार रुपयांच्या सहावारी साड्या असा एकूण ८८ हजार रुपयांचा ऐवज चोरून नेला. याबाबत ३५ वर्षीय महिलेने वाघोली पोलिस ठाण्यात तक्रार दिली आहे. चार नोव्हेंबर रोजी दुपारी एक ते साडेतीन या वेळेत ही घरफोडी झाली. तिन्ही घटनांमध्ये अज्ञात चोरट्यांविरुद्ध गुन्हे दाखल केले असून, पोलिसांकडून चोरट्यांचा शोध घेण्यात येत आहे.
