अनुसूचित जाती व अनुसूचित जमाती (अत्याचार प्रतिबंध) अधिनियमाबाबत एक दिवसीय कार्यशाळेचे 25 जुलै रोजी आयोजन
marathinews24.com
पुणे – अनुसूचित जाती व अनुसूचित जमाती (अत्याचार प्रतिबंध) अधिनियमाबाबत डॉ. बाबासाहेब आंबेडकर संशोधन व प्रशिक्षण संस्था (बार्टी) पुणे व सहाय्यक आयुक्त, समाज कल्याण पुणे यांच्या संयुक्त विद्यमाने 25 जुलै 2025 रोजी सकाळी 10 वा. एक दिवसीय प्रशिक्षण कार्यशाळचे बहुउद्देशिय सभागृह पाचवा मजला, जिल्हाधिकारी कार्यालय येथे आयोजन करण्यात आले आहे. अशी माहिती विशाल लोंढे सहाय्यक आयुक्त, समाज कल्याण यांनी प्रसिध्दी पत्रकाद्वारे दिली आहे.
मराठा एन्त्रेप्रेनेऊर असोसिएशनच्यावतीने ‘लोन आणि सबसिडी एक्स्पो-2025’ चे आयोजन – सविस्तर बातमी
या प्रशिक्षण कार्यशाळेमध्ये महसूल व वन विभागातील उपविभागीय अधिकारी (प्रांत), तथा अध्यक्ष उपविभागीय दक्षता व नियंत्रण समिती, गृह विभागातील उपविभागीय पोलीस अधिकारी, तसेच पोलीस विभागाकडे असलेला नागरी हक्क संरक्षण शाखेतील अधिकारी-कर्मचारी तथा सदस्य, जिल्हा दक्षता व नियंत्रण समिती आणि उपविभागीय दक्षता व नियंत्रण समिती, सामाजिक न्याय विभागातील संबंधित सहायक आयुक्त, समाज कल्याण तथा सदस्य सचिव, जिल्हा दक्षता व नियंत्रण समिती व संबंधित योजनेचे कामकाज पाहणारे अधिकारी-कर्मचारी व विधी व न्याय विभागातील सरकारी अभियोक्ता तथा सदस्य, जिल्हा दक्षता व नियंत्रण समिती आणि उपविभागीय दक्षता व नियंत्रण समिती तसेच ग्रामविकास विभागातील गटविकास अधिकारी (बीडीओ) तथा सदस्य सचिव, उपविभागीय दक्षता व नियंत्रण समिती इत्यादींना प्रशिक्षण देण्यात येणार आहे.
तरी या कार्यशाळेसाठी उपस्थित राहणेबाबत विशाल लोंढे सहाय्यक आयुक्त, समाज कल्याण पुणे यांनी आवाहन केले आहे.
