पाेलीसांकडूनमहिला आराेपी जेरबंद
marathinews24.com
पुणे -अशिक्षित व अडाणीपणाचा गैरफायदा घेऊन त्यांना वकील असल्याची बतावणी करीत ६ लाखांची खंडणी उकळणाऱ्या तोतया वकील महिलेला लोणी काळभोर पोलिसांनी अटक केली आहे. स्नेहल हरिश्चंद्र कांबळे (वय- ३२) असे अटक केलेल्या महिलेचे नाव आहे.
मुलींची छेड काढण्यावरुन महिलेने तरुणाच्या कानाचा घेतला चावा – सविस्तर बातमी
पोलिसांनी दिलेल्या माहितीनुसार, सुनेपासून साेडचिठ्ठी घेऊन देण्याचे सांगत आरोपी कांबळे हिने फिर्यादी सातपुते यांच्याकडून ५ लाख ९४ हजार रुपये घेतले. फिर्यादी सातपुतेविरुध्द सुनेने बलात्काराची व मारहाणीचा गुन्हा दाखल केला आहे. तसेच त्यांच्यावर महिला आयाेगाकडे सासरचे व्यक्ती विराेधात तक्रार दिली असल्याचे खाेटे कारण सांगून, आरोपी कांबळे हिने अटक हाेईल अशी भिती घातली. वेळाेवेळी खाेटी माहिती देऊन त्यांना वारंवार अटक करण्यात येईल असे सांगत त्यांच्याकडून ५ लाख ९४ हजार रुपये घेतले.
सातपुते यांनी पाेलीस उपायुक्त डाॅ. राजकुमार शिंदे यांची भेट घेऊन त्यांना हकीगत सांगितली. त्यानुसार, लाेणीकाळभाेर पाेलीसांनी स्वतंत्र पथक तयार करुन सेन्हल कांबळे हिला तक्रारदारकडून १५ हजार रुपये खंडणीची रक्कम घेताना रंगेहात पकडले.
महिलेने अशाचप्रकारे वकील असल्याचे सांगून अनेक नागरिकांची फसवणुक केली असल्याची माहिती पाेलीसांना प्राप्त झाली आहे. त्याअनुषंगाने नागरिकांना ज्यांची फसवणुक झाली आहे, त्यांनी लाेणीकाळभाेर पाेलीस ठाण्यात तक्रार दाखल करावी.
