मालधक्का चौकात अज्ञात व्यक्तीचा मृतदेह सापडला
marathinews24.com
पुणे – मालधक्का चौकातील डॉ. बाबासाहेब आंबेडकर सांस्कृतीक भवनाच्या बाजूला असलेल्या पदपथावर एका व्यक्तीचा मृतदेह आढळून आला . किशोर कांबळे (वय २५ रा.सातारा) असे या व्यक्तीचे नाव आहे. तो फिरस्ता असल्याचे पोलिसांनी सांगितले. त्याच्या डोक्यात जखम दिसून आली होती. त्यानुसार पोलिसांनी अज्ञात व्यक्तीच्या विरुद्ध खूनाचा गुन्हा दाखल केला आहे.
दारू आणून न दिल्याने तरुणाचा केला खून – सविस्तर बातमी
पोलिसांनी दिलेल्या माहितीनुसार, कांबळे याच्या शवविच्छेदन अहवालातही डोक्यात इजा झाल्याने त्याचा मृत्यू झाल्याचे नमूद केले आहे. सोमवारी (दि.5) सकाळी पावने दहा वाजताच्या सुमारास त्याचा मृतदेह आढून आला होता. दरम्यान, एकाच पोलीस ठाण्याच्या हद्दीत दोन खुनाच्या घटनेने खळबळ उडाली आहे. याप्रकरणी समर्थ पोलिसांकडून तपासाला गती देण्यात आली आहे.
