टोळक्याला लक्ष्मीनगर पोलिसांनी केली अटक
marathinews24.com
पुणे – शस्त्राचा वापर करीत जोरजोरात ओरडून राडा घालणार्या टोळक्याला लक्ष्मीनगर पोलिसांनी अटक केली आहे. ही घटना १० जानेवारीला रात्री सव्वा आठच्या सुमारास येरवड्यातील लक्ष्मीनगरमध्ये असलेल्या निळा झेंडा चौकात घडली आहे. सौरभ संभाजी डोलारे (वय २४ रा. लक्ष्मीनगर, येरवडा) सोहेल सलिम सय्यद (वय २३) वसिम दाउन खान वय १९ रा. गगनगिरी इमारत, चिंचवड अशी अटक केलेल्यांची नावे आहेत. पोलीस अमलदार अक्षय शिंदे यांनी लक्ष्मीनगर पोलीस ठाण्यात फिर्याद दाखल केली आहे.
शेअरमध्ये गुंतवणुकीच्या आमिषाने तरुणाची ४६ लाखांची फसवणूक – सविस्तर बातमी
पोलिसांनी दिलेल्या माहितीनुसार, लक्ष्मीनगरमधील निळा झेंडा चौकात टोळक्याकडून शस्त्राचा वापर करीत दहशत निर्माण केली जात होती. त्याची माहिती लक्ष्मीनगर पोलिसांना मिळाल्यानंतर पथकाने घटनास्थळी धाव घेतली. त्याठिकाणी असलेल्या तिघांना ताब्यात घेत पोलिसांनी त्यांच्याकडून लोखंडी हत्यारे जप्त केली आहे. याप्रकरणी पोलीस अमलदार तेजपाल जाधव तपास करीत आहेत.
