लष्कर पोलिसांची कामगिरी
marathinews24.com
पुणे – पेट्रोल पंपावरील कामगारांना कार्यालयात कोंडून राडा घालत इंधन चोरीचा प्रयत्न करणार्या टोळक्याला लष्कर पोलिसांनी अटक केली आहे. ही घटना २० नोव्हेंबरला रात्री तीनच्या सुमारास कॅम्पमधील कांचन सर्व्हिस स्टेशन पेट्रोल पंपात घडली होती. सुफियान अय्युब शेख (वय २४ रा. कोंढवा) आणि तन्वीर रेहमान शेख (वय २१ रा. वेस्टर्न बेकरीजवळ, कोंढवा) अशी अटक केलेल्यांची नावे आहेत. त्यांच्या दोन साथीदारांविरूद्ध गुन्हा दाखल केला आहे.
गॅसपुरवठा बंद करण्याची धमकी, सायबर चोरट्याने लुटले – सविस्तर बातमी
पोलिसांनी दिलेल्या माहितीनुसार, तक्रारदार तरूण आणि त्यांचे मित्र हे कॅम्पमधील कांचन सर्व्हिस स्टेशन पेट्रोल पंपात कामाला आहेत. २० नोव्हेंबरला रात्री तीनच्या सुमारास चोरीच्या उद्देशाने टोळक्याने पंपात प्रवेश केला. कामगारांना कार्यालयात कोंडल्यानंतर टोळक्याने दुचाकीचे लॉक तोडण्याचा प्रयत्न केला. त्यानंतर पंपातील इंधन सोडण्याचा नोझल काढून घेत इंधन चोरीचा प्रयत्न केला आहे. याप्रकरणी पोलीस उपनिरीक्षक राहूल घाडगे तपास करीत आहेत.
