चंदननगर पोलीस ठाण्यात गुन्हा दाखल
marathinews24.com
पुणे – शेअर आयपीओमध्ये गुंतवणूक केल्यास चांगला परतावा मिळवून देतो, अशी बतावणी करीत सायबर चोरट्यांनी ५६ वर्षीय नागरिकाला तब्बल ४३ लाखांचा गंडा घातला आहे. ही घटना ६ फेबु्रवारी ते २१ मार्च २०२६ कालावधीत खराडीत घडली आहे. त्यानुसार याप्रकरणी चंदननगर पोलीस ठाण्यात फिर्याद दाखल करण्यात आली आहे.
अपघात प्रकरणात टँकर मालकासह चालकाला अटक – सविस्तर बातमी
पोलिसांनी दिलेल्या माहितीनुसार, तक्रारदार हे खराडीत राहायला असून, ६ मार्चला सायबर चोरट्यांनी त्यांच्याशी संपर्क साधला. शेअरमधील आयपीओत गुंतवणूक केल्यास चांगला परतावा मिळवून देतो, अशी बतावणी सायबर चोरट्यांनी केली. त्यानंतर विश्वास संपादित झाल्यामुळे तक्रारदाराने गुंतवणूकीला सुरूवात केली. अवघ्या सव्वा महिन्यांत सायबर चोरट्यांनी त्यांच्याकडून ४३ लाख रूपये वर्ग करून घेतले. मात्र, परतावा न मिळाल्यामुळे तक्रारदाराला फसवणूक झाल्याचे लक्षात आले. त्यानंतर त्यांनी पोलीस ठाण्यात धाव घेतली. पोलीस निरीक्षक नीलेश बडाख तपास करीत आहेत.
पुण्यात गुरूवार पेठेतील तरूणाला ७ लाखांचा गंडा
व्हॉट्सअॅप कॉल करीत सायबर चोरट्यांनी तरूणाला बिर्ला कंपनीचा एक्झीक्युटिव्ह बोलत असल्याची बतावणी केली. शेअर ट्रेडींगची माहिती देउन सायबर चोरट्यांनी तरूणाला ७ लाख ५२ हजारांचा ऑनलाईन गंडा घातला आहे. ही घटना ३ डिसेंबर २०२४ ते २ जानेवारी २०२५ कालावधीत गुरूवार पेठेत घडली आहे. याप्रकरणी खडक पोलीस ठाण्यात तरूणाने तक्रार दाखल केली आहे. याप्रकरणी पोलीस निरीक्षक शर्मिला सुतार तपास करीत आहेत.
