वयाच्या ७५ व्या वर्षी घेतला अखेरचा श्वास
marathinews24.com
पुणे – सागर सहानी अपहरण प्रकरणासह अनेक गंभीर गुन्ह्याचा छडा लावणारे पुणे पोलिसांच्या गुन्हे शाखेतील निवृत्त पोलीस अधिकारी बाळकृष्ण आगाशे (वय ७५) यांचे दीर्घ आजाराने झाले. बाळकृष्ण आगाशे हे पोलीस दलात १९७२ मध्ये शिपाई म्हणून रूजू झाले होते. त्यानंतर त्यांची १९८४ मध्ये पोलीस उपनिरीक्षकपदी नियुक्ती झाली़ लष्कर पोलीस ठाण्यात पोलीस निरीक्षक म्हणून काम करताना त्यांची कारकीर्द गाजली होती.
जांभुळवाडी भंगार मालाच्या गोदामाला आग – सविस्तर बातमी
आपल्याबरोबर काही पोलिसांना घेऊन दररोज दोन तास पोलीस ठाण्याच्या परिसरात पायी गस्त घालून नागरिकांशी थेट संवाद साधत असत. आगाशे हे पुणे शहर पोलीस दलात खंडणी विरोधी पथकाचे पोलीस निरीक्षक होते. या काळात खंडणीसाठीचे अपहरणाचे २० ते २२ गुन्हे दाखल झाले होते. खंडणीचे सर्व गुन्हे त्यांनी उघडकीस आणून आरोपींना अटक केली होती. ते राज्य गुन्हे अन्वेषण विभाग (सीआयडी) येथे नियुक्तीस होते. पोलीस दलात केलेल्या उल्लेखनीय कामगिरीबद्दल आगाशे यांना राष्ट्रपतीचे पोलीस पदक, तसेच पोलीस महासंचालकांचे सन्मान चिन्ह मिळाले होते. उपविभागीय पोलीस अधिकारी म्हणून ते सेवानिवृत्त झाले होते.
