अग्निशमन दलाच्या जवानांनी पाण्याचा मारा करुन आग आणली आटोक्यात
marathinews24.com
पुणे – भंगार मालाच्या गोदामास आग लागल्याची घटना कात्रज भागातील जांभुळवाडीत गुरुवारी रात्री घडली. अग्निशमन दलाच्या जवानांनी पाण्याचा मारा करुन आग आटोक्यात आणली. जांभुळवाडी परिसरात असलेल्या एका भंगार मालाच्या गोदामास गुरुवारी (२८ जून) आग लागली. आग लागल्याची माहिती मिळताच सिंहगड रस्ता अग्निशमन दल, तसेच पुणे महानगर क्षेत्र विकास प्राधिकरणातील (पीएमआरीडए) अग्निशमन दलाच्या जवानांनी घटनास्थळी धाव घेतली.
सिंहगड रस्ता भागातील दवाखान्यातून संगणक चोरी – सविस्तर बातमी
जवानांनी पाण्याचा मारा करून अर्ध्या तासात आग आटोक्यात आणली. आगीत भंगार माल जळाला. आगीमागचे कारण समजू शकले नाही. गोदमात कोणी अडकले नसल्याची खात्री करण्यात आली. मध्यरात्री आग पूर्णपणे आटोक्यात आली, अशी माहिती सिंहगड रस्ता अग्निशमन केंद्राचे अधिकारी प्रभाकर उमराटकर यांनी दिली. नगर रस्त्यावरील खराडी भागातील एका गोदामात गुरुवारी पहाटे आग लागल्याची घटना घडली होती.
