विश्रांतवाडी पोलीस ठाण्यात गुन्हा दाखल
marathinews24.com
पुणे – एसबीआय बँकेच्या मुंबई कार्यालयातून बोलत असल्याची बतावणी करीत सायबर चोरट्याने एकाला बँकेचे अॅप अपडेट करून देतो अशी बतावणी केली. त्यानंतर त्यांना एक फाईल पाठवून डाउनलोड करण्यास भाग पाडले. त्यांच्या बँक खात्यातून १ लाख ९० हजार रूपये ऑनलाईनरित्या वर्ग करीत फसवणूक केली आहे. ही घटना १४ ते १५ सप्टेंबर कालावधीत सोमवार पेठेत घडली आहे. याप्रकरणी ५४ वर्षीय नागरिकाने विश्रांतवाडी पोलीस ठाण्यात फिर्याद दाखल केली आहे.
पुण्यात पीएमपीएल बसप्रवासात जेष्ठे महिला लक्ष्य – सविस्तर बातमी
पोलिसांनी दिलेल्या माहितीनुसार, तक्रारदार हे सोमवार पेठेत राहायला असून, १४ सप्टेंबरला सायबर चोरट्याने त्यांना फोन केला. एसबीआय बँकेच्या मुंबई कार्यालयातून बोलत असल्याची बतावणी केली. बँकेचे अॅप अपडेट करून देतो असे सांगून त्याने तक्रारदाराला फाईल पाठविली. त्यानंतर फाईल उघण्यास सांगून ऑनलाईनरित्या १ लाख ९० हजार रूपये वर्ग करून घेत फसवणूक केली आहे. याप्रकरणी पोलीस निरीक्षक मंगेश हांडे तपास करीत आहेत.
