भवानी पेठेतील पदमजी पॅराडाईज याठिकाणी घडली घटना
marathinews24.com
पुणे – फ्लॅटचे कुलूप तोडून चोरट्यांनी रोकडसह तब्बल २७ लाख् ४५ हजारांचा ऐवज चोरून नेला आहे. ही घटना ८ जानेवारीला रात्री एकच्या सुमारास भवानी पेठेतील पदमजी पॅराडाईज याठिकाणी घडली आहे. याप्रकरणी भवानी पेठेत राहणार्या ५५ वर्षीय नागरिकाने खडक पोलीस ठाण्यात फिर्याद दाखल केली आहे. त्यानुसार अज्ञात चोरट्यांविरूद्ध गुन्हा दाखल करण्यात आला आहे.
सायबर चोरट्यांचा जेष्ठ महिलेला ९ लाखांचा गंडा – सविस्तर बातमी
पोलिसांनी दिलेल्या माहितीनुसार, तक्रारदार हे भवानी पेठेत राहायला असून, ८ जानेवारीला मध्यरात्रीच्या सुमारास चोरट्यांनी त्यांच्या बंद फ्लॅटचे कुलूप तोडून आतमध्ये प्रवेश केला. घरातील १५ लाखांची रोकड आणि सोन्या-चांदीचा ऐवज असा २७ लाख ४५ हजारांचा ऐवज चोरून नेला. दुसर्या दिवशी तक्रारदाराला घरात चोरी झाल्याचे दिसून आले. त्यानंतर त्यांनी पोलीस ठाण्यात धाव घेत तक्रार दाखल केली. याप्रकरणी सहायक पोलीस निरीक्षक कुदळे तपास करीत आहेत.
