१४ लाखांचे दागिने चोरीला
marathinews24.com
पुणे – भरदिवसा फ्लॅटचे कुलूप तोडून चोरट्यांनी कपाटातील रोकड आणि सोन्याचे दागिने असा १४ लाख ३० हजार रुपयांचा ऐवज लांबविल्याची घटना रास्ता पेठेत घडली आहे. याप्रकरणी ज्येष्ठ महिलेने समर्थ पोलीस ठाण्यात फिर्याद दिली आहे. त्यांनी दिलेल्या फिर्यादीनुसार चोरट्यांविरुद्ध गुन्हा दाखल करण्यात आला आहे.
वैमनस्यातून अल्पवयीनावर शस्त्राने वार – सविस्तर बातमी
पोलिसांनी दिलेल्या माहितीनुसार, तक्रारदार ज्येष्ठ महिला आणि कुटुंबीय रास्ता पेठेतील जैन हाईट्स सोसायटीत राहायला आहेत. शनिवारी (दि.२१) दुपारी साडेचारच्या सुमारास ज्येष्ठ महिला घर बंद करुन बाहेर पडल्या. चोरट्यांनी घराचे कुलूप तोडून कपाटातील १७ हजारांची रोकड, सोन्याचे दागिने असा १४ लाख ३० हजार रुपयांचा ऐवज लांबविला. रात्री आठच्या सुमारास त्या घरी परतल्या. तेव्हा घरफोडीचा प्रकार उघडकीस आला. सहायक पोलीस निरीक्षक भागवत शेंडगे तपास करत आहेत.
